Pieraškodami dla pahłybleńnia intehracyi Rasii i Biełarusi zastajucca padatkovy manieŭr i momanty, źviazanyja z cenami na haz i naftu, paviedamiŭ kiraŭnik biełaruskaha MZS Uładzimir Makiej. Da śniežnia zastajecca mahčymaść dla ŭrehulavańnia, paviedamlaje RBK.
Pierad pačatkam pahłyblenaj intehracyi Rasii i Biełarusi ŭ ramkach Damovy ab stvareńni Sajuznaj dziaržavy treba vyrašyć šerah aktualnych prablem. Hetaje ŭchileńnie pieraškod u pastaŭkach sielskahaspadarčaj i pramysłovaj pradukcyi, a taksama ŭrehulavańnie sprečnych momantaŭ, źviazanych z cenami na haz i naftu, a taksama padatkovy manieŭr, jaki pravodzicca ŭ Rasii. Pavodle acenak biełaruskaha Minfina, z-za manieŭru kraina moža stracić da $ 10 młrd.
Minsk, pavodle słoŭ Makieja, u pieršuju čarhu zacikaŭleny ŭ tym, kab vyrašyć usie «hetyja aburalnyja pytańni, jakija lažać siońnia na pavierchni».
«I naturalna, ja dumaju, što kali jany nie buduć vyrašany, to kazać pra padpisańnie prahramy dalejšych dziejańniaŭ budzie ciažka, tamu što my nie zrazumiejem łohiki našych partnioraŭ», - adznačyŭ jon.
Makiej: Padčas abmierkavańnia płana intehracyi z rasijskaha boku hučali «absalutna nieprymalnyja prapanovy»
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty49
Kamientary