Praces pajšoŭ
Chaŭjer Sałana zadavoleny vynikami dźviuchhadzinnaj sustrečy z Łukašenkam i abiedu tet-a-tet ź ministram Martynavym. Pry kancy vizitu jon pravioŭ daŭžejšuju sustreču z karespandentami niedziaržaŭnych ŚMI, u tym liku NN.
Chaŭjer Sałana zadavoleny vynikami dźviuchhadzinnaj sustrečy z Łukašenkam i abiedu tet-a-tet ź ministram Martynavym. Pry kancy vizitu jon pravioŭ daŭžejšuju sustreču z karespandentami niedziaržaŭnych ŚMI, u tym liku NN.Pa abiedzie pradstaŭnik Jeŭrasajuzu pa pytańniach supolnaj zamiežnaj palityki i palityki biaśpieki Chaŭjer Sałana musiŭ dać pres‑kanfierencyju ŭ budynku MZS. Jeŭračynoŭnik u kampanii ź ministram Martynavym pryjechali bolš čym z paŭhadzinnym spaźnieńniem — doŭha abiedali.
Spačatku rej uziaŭ kiraŭnik biełaruskaha źniešniepalityčnaha viedamstva: «My abmierkavali pytańni supracoŭnictva Biełarusi ź Jeŭrapiejskim Sajuzam, pytańni pierśpiektyvaŭ i budučyni stasunkaŭ. Toje, što abodva baki imknucca zrabić dla palapšeńnia hetych stasunkaŭ. A taksama pytańni adnosin u ramkach Uschodniaha partniorstva. My ličym siońniašniuju sustreču važnaj i vynikovaj, i praciahniem supracoŭnictva»
Potym słova było za zamiežnym hościem: «Heta moj pieršy vizit u Minsk. U mianie była vielmi doŭhaja sustreča z Łukašenkam, a taksama vielmi dobraja z spadarom Martynavym. Ranicaj ja bačyŭsia z pradstaŭnikami apazicyi. Dzień byŭ vielmi praduktyŭny i kanstruktyŭny. Ja chacieŭ by vykazać spadziavańnie, što adnosiny pamiž Biełaruśsiu i ES buduć raźvivacca i ŭ budučyni. Heta važna i dla nas, i dla vas.
Jak vy viedajecie ŭ 2009 hodzie my źbirajemsia ździejśnić prahramu Ŭschodniaha partniorstva. I, biezumoŭna, što ŭ struktury heta partniorstva Biełarusi jość asablivaje miesca. Ja vielmi zadavoleny mahčymaściu pryjechać u Biełaruś. Dumaju heta pačatak hłybiejšych adnosin pamiž vašaj krainaj i ES».
Paśla heta Sałana i Martynaŭ pa‑siabroŭsku palapali adzin adnaho pa śpinie. Času zastavałasia tolki na dva pytańni, bo ispaniec śpiašaŭsia na novuju sustreču. Arhanizatary pres‑kanfierencyi addali prava ich zadać ahienctvam AR i BIEŁTA.
Spačatku było zadadzienaje pytańnie pra ŭmovy ź jakimi pryjechaŭ u Biełaruś jeŭračynoŭnik.
«Ja nie pryjechaŭ siudy ź niejkimi ŭmovami. Jeŭrasajuz umieje vybudoŭvać adnosiny ź inšymi krainami biez umovaŭ.Naša sustreča była vielmi kanstruktyŭnaj i družalubnaj. Ja chacieŭ by vykazać spadziavańnie, što hety praces dyjałohu budzie praciahvacca. U liku pryjarytetaŭ ES praca nad prahramaj Uschodniaha partniorstva. Z majho mierkavańnia, vašaj krainie jość miesca ŭ hetaj prahramie», — skazaŭ Ch.Sałana.
Martynaŭ ža vykazaŭsia nakont mahčymych śfieraŭ supracoŭnictva Biełarusi i ES: «My nieadnarazova havaryli, što sama hieahrafija vyznačaje rolu Biełarusi ŭ stasunkach ź ES. Heta ŭzajemadziejańnie ŭ śfierach ekanomiki, enierhietyki, tranzitu, baraćby z novymi vyklikami, až da ekałohii».
Paśla hetaha Sałana z svajoj zusim maleńkaj śvitaj - usiaho čałaviek šeść - pierajechali z budynku MZS u hatel «Kraŭn Płaza», dzie adbyłasia paŭhadzinnaja sustreča z karespandentami ahienctva BiełaPAN, «Kamsamołki», «Narodnaj voli», radyjo «Svaboda» i «NN».
Jakoje ŭražańnie ad Alaksandra Łukašenki? - najpierš spytałasia jaho Śviatłana Kalinkina, šef-redaktarka «Narodnaj voli».
Heta pieršy raz. Doŭhaja sustreča - dźvie hadziny doŭžyłasia, vielmi kanstruktyŭnaja. Ja zadavoleny vynikami, adkazvaŭ Sałana.
Dumaju, Biełaruś choča dałučycca da Ŭschodniaha partniorstva, i ŭsio hatova da taho.Uvohule, adbyŭsia vielmi zakončany vizit. Pieršy vizit u Biełaruś, i heta istotna. Rašeńnie pryjechać i havaryć adkryta z prezidentam było vielmi ŭdałaje.
Čamu Vy pryjechali mienavita ciapier? - dapytvalisia žurnalisty.
Bo 2009 hod - hod pryjarytetu Ŭschodniaha partniorstva, ščyra hladzieŭ nam u tvar Sałana. Usie chacieli šyrejšych adnosinaŭ miž ES i Biełaruśsiu. Heta praces, jaki, ja spadziajusia, ruchajecca ŭ pravilnym kirunku.
Ja zadavoleny tym, što praces jość.
Ci budzie nastupnym krokam vizit Łukašenki ŭ Prahu?
Heta vyrašaju nie ja, a českaje staršynstvo, uniknuŭ adkazu jon. Adnosiny z krainami ES raźvivajucca, i dynamika kanstruktyŭnaja. Praces idzie, kab rašać takija prablemy.
A jak ža novyja prablemy z pravami čałavieka, razhon 14 lutaha, Aŭtuchovič? - padkałupnuli žurnalisty.
Usio, što tre było skazać, ja skazaŭ, zapeŭniŭ Sałana. Usio, što tre było krytykavać, ja krytykavaŭ. Vynik paśla ŭsiaho hetaha kanstruktyŭny.
Naša niaśmiełaja - ciažki ŭpłyŭ dyktatury - bracija nie navažyłasia zapytacca ŭ łob: niaŭžo ž Aŭtuchoviča tak chutka adpuściać? Zamiest hetaha my ŭdakładnili: i jakija ž mienavita ciažkija prablemy abmiarkoŭvali?
Nie chaču raskryvać pryvatnych detalaŭ, adkazaŭ dypłamat. Nie mahu skazać inšaha, akramia: heta byŭ kanstruktyŭny vizit, i važnaj budzie sustreča, što adbudziecca ŭ sakaviku. Budziem zvažać na paradak dnia, u tym liku pravy čałavieka.
Ničoha - pad stałom, usie pytańni - na stale.
Ci moža sabie spadar Sałana ŭjavić Biełaruś krainaj ES?
Nichto pra toje nie havaryŭ siońnia, havaryli vyklučna pra Ŭschodniaje partniorstva. Za miežy hetaj temy nie vychodzili, moviŭ Sałana.
Čym tłumačycie pavarot u staŭleńni Biełarusi da ES?
Nie maja sprava tłumačyć, zaiskrylisia vočy dypłamata, ad kutočkaŭ jakich raźbiahajucca dziasiatki drobnieńkich zmorščynak. Ja prosta zadavoleny, bo akazałasia, što niama ničoha niesumiaščalnaha. Možna adnačasova hladzieć i na ŭschod, i na zachad. Heta nie taja hulnia, u jakoj, kali adzin vyjhraje, druhi kaniečnie prajhraje. Usie mohuć vyjhrać.
Łukašenka adznačyŭ učora ŭ Mahilovie, na małakazavodzie, što nie pacierpić nijakich pasiarednikaŭ u dyjałohu ES-Biełaruś, majučy na ŭvazie apazicyju. Što Vy pra toje dumajecie? - zapytaŭsia karespandent NN.
A ja pa-inšamu interpretuju hetyja słovy, jak i toje, što jon skazaŭ siońnia pa vynikach sustrečy, uśmichnuŭsia nam u vočy svajoj łahodnaj, jak mižziemnamorski vietryk, uśmieškaj viarchoŭny dypłamat ES. My chočam pramych adnosinaŭ na mižnarodnym uzroŭni.Ja zadavoleny, što biełaruski bok choča tak havaryć.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary