Biełhidramiet: Śniežań čakajecca ciaplejšy, čym zvyčajna

Pieršy zimovy miesiac pačaŭsia z marozu i śniehu. Adnak užo ŭ siaredzinie pieršaj dekady atmaśfiernyja franty i bolš ciopłyja pavietranyja masy atłantyčnaha pachodžańnia pryniasuć u Biełaruś paciapleńnie, paviedamlaje BiełTA.

Čakajucca doždž i mokry śnieh, prahnazujucca tumany i hałalod. Što datyčycca tempieratury, nočču čakajecca słaby minus, dniom - nievialiki plus. U druhoj pałovie miesiaca prahnazujecca niaŭstojlivy charaktar nadvorja. Pieryjady pachaładańnia buduć źmianiacca adlihami, buduć vypadać źmiešanyja apadki. «U cełym śniežań prahnazujecca krychu ciaplejšy, čym zvyčajna. Siaredniaja tempieratura pavietra čakajecca na 1 hradus vyšej za klimatyčnuju normu. Miesiačnaja kolkaść apadkaŭ płanujecca ŭ miežach siarednich šmathadovych značeńniaŭ», - raskazali ŭ Biełhidramiecie.

Jak praviła, u śniežni atmaśfiernyja pracesy, asabliva ŭ pieršaj pałovie, zachoŭvajuć rysy pierachodnaha siezona. Tamu niaredka nazirajecca niaŭstojlivaje nadvorje sa značnymi vahańniami tempieratury pavietra. Davoli časta pieršaja «piacidzionka» i navat pieršaja dekada śniežnia byvajuć vielmi ciopłymi.

Na praciahu miesiaca zvyčajna adznačajecca 13-20 dzion z adlihaj. Pachaładańni najbolš vierahodnyja ŭ druhoj pałovie śniežnia.

Klimatyčnaja norma dla śniežnia składaje ad minus 1,3 na paŭdniovym zachadzie da 4,7 hradusa marozu na paŭnočnym uschodzie Biełarusi. U paraŭnańni ź listapadam tempieratura panižajecca na 4 hradusy.

Ciaplej, čym zvyčajna na 3-5 hradusaŭ byŭ śniežań 1960, 1971, 1974, 1982, 2000, 2004, 2011, 2013, 2015, 2017 hadoŭ.

Samym ciopłym vydaŭsia śniežań 2006 hoda ź siaredniaj tempieraturaj pavietra pa krainie plus 2,6, što na 5,9 hradusa vyšej za klimatyčnuju normu. Chałodnaje nadvorje (nižej za klimatyčnuju normu na 3-6 hradusaŭ) adznačałasia ŭ śniežni 1959, 1963, 1969, 1995, 1996, 2001, 2002, 2010 hadoŭ.

Vielmi chałodnym (na 6,7 hradusa nižej za klimatyčnuju normu) vydaŭsia śniežań 1978 hoda, kali siaredniaja tempieratura pavietra pa krainie skłała 10 hradusaŭ marozu.

Absalutny tempieraturny minimum dla śniežnia (38,6 hradusa marozu) byŭ adznačany na mieteastancyi Jeziaryščy ŭ 1978 hodzie, a absalutny maksimum (plus 14,5) - u Breście ŭ 1961 hodzie.

Praciahłaść soniečnaha źziańnia za miesiac składaje 24-33 hadziny.

U śniežni tempieratura pavietra intensiŭna panižajecca ad pieršaj dekady da treciaj. U siarednim pa krainie tempieratura pavietra pieršaj dekady składaje 2,4 hradusa marozu, pryčym jana vahajecca ad minus 3,9 na paŭnočnym uschodzie da minus 0,4 na paŭdniovym zachadzie. Druhaja dekada chaładniejšaja za pieršuju ŭ siarednim na 1 hradus, pry hetym tempieratura pavietra panižajecca z paŭdniovaha zachadu (minus 1,4) na paŭnočny ŭschod (minus 4,8). U treciuju dekadu śniežnia siaredniaja tempieratura pavietra pa krainie składaje minus 4, što na 0,6 hradusa nižej za tempieraturu druhoj dekady. Chaładniej za ŭsio ŭ hety pieryjad na paŭnočnym uschodzie (minus 5,3), ciaplej za ŭsio - na paŭdniovym zachadzie Bresckaj vobłaści (minus 2,3).

Za śniežań u siarednim pa krainie vypadaje 35-58 mm apadkaŭ. Terminy ŭtvareńnia ŭstojlivaha śniežnaha pokryva ŭ zaležnaści ad charaktaru nadvorja značna vahajucca z hodu ŭ hod: na bolšaj častcy Biełarusi jano ŭstanaŭlivajecca zvyčajna ŭ pieršaj - druhoj dekadach śniežnia, u krajnich paŭdniovych rajonach - u treciaj dekadzie. Vyšynia śniežnaha pokryva da kanca miesiaca dasiahaje ŭ siarednim 4-10 sm. Kali ŭ śniežni pieravažaje ciopłaje nadvorje, to śnieh tolki ŭ studzieni. U śniežni zvyčajna byvaje ad 3 da 15 dzion z tumanami i hałalodami, ad 2 da 5 - ź miacielicaj i ad 18 da 21 - z apadkami.

• 0
• 0
• 0
• 0
• 0
• 0
• 0
• 0