Premjer Łatvii paćvierdziŭ mahčymaść pastavak nafty ŭ Biełaruś praz łatvijskija party
Premjer-ministr Łatvii Kryšjanis Karyńš paćviardžaje mahčymaść pastavak nafty ŭ Biełaruś praz łatvijskija party. Pra heta jon zajaviŭ siońnia žurnalistam paśla sustrečy z Alaksandram Łukašenkam, pieradaje BIEŁTA.
«Kažučy pra ekanamičnyja stasunki, transpart, łahistyka — samy łahičny šlach (dla ich raźvićcia), dzie ŭ nas užo prysutničajuć adnosiny», — padkreśliŭ kiraŭnik urada Łatvii.
Pavodle jaho słoŭ, łatvijski bok bačyć vialikuju prastoru dla raźvićcia supracoŭnictva. «Z adnaho boku, možna ekspartavać ź Biełarusi praz łatvijskija party naftapradukty. Ale možna abmiarkoŭvać i inšuju mahčymaść — impart nafty z usiaho śvietu praz Łatviju ŭ Biełaruś. My abmiarkoŭvajem užo takija mahčymaści. Viadoma, kampanijam treba daśledavać hetaje pytańnie, bo biznes pavinien być ŭzajemavyhadnym. Tut my bačym vialikija mahčymaści dla Łatvii i Biełarusi», — zajaviŭ Kryšjanis Karyńš.
Adkazvajučy na ŭdakładniajučaje pytańnie ab tym, kali mahčyma dasiahnieńnie padobnych damoŭlenaściej, premjer-ministr skazaŭ: «Hetaje pytańnie varta zadavać kampanijam. Što tyčycca ŭrada, jon u vyšejšaj stupieni zacikaŭleny ŭ raźvićci biznes-mahčymaściaŭ. Tut pytańnie praktyčnaje. Treba mieć kantakty z terminałami, čyhunačnymi kampanijami, jakija buduć zabiaśpiečvać hetyja pastaŭki».
«Što tyčycca pazicyi Łatvii, my zacikaŭleny ŭ bolš doŭhaterminovych adnosinach. U takim vypadku mahčyma płanavać biźnies, i heta dazvalaje panižać košty, a heta dobra dla ŭsich uciahnutych bakoŭ», - dadaŭ Kryšjanis Karyńš.
.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami19
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary