Prypynieny vypusk karty vučnia dla školnikaŭ. Čamu i kali jon adnovicca
Biełarusbank prypyniŭ vypusk śpiecyjalnaj kartki dla školnikaŭ — karty navučenca. Finance.tut.by vyjaśniŭ, čamu heta adbyłosia i kali ich vypusk adnovicca.
Karta navučenca źjaviłasia ŭ praduktovaj liniejcy banka niekalki hadoŭ tamu. Jana sumiaščaje funkcyjanał adnačasova apłatnaj kartki, propusku ŭ škołu, prajaznoha, bileta čytača. Adpaviedna, biez karty navučenca z usim hetym mohuć uźniknuć składanaści. Baćki školnikaŭ tłumačać, što z hetaj kartaj prajezd u transparcie biaspłatny, ale kali jaje niama, treba aformić u škole admysłovuju daviedku. A kab patrapić u škołu biez karty navučenca, prychodzicca zachodzić u budynak razam z kimści (kartka spracoŭvaje jak mahnitny propusk, jaki adčyniaje dźviery).
Atrymlivajecca, kali školnik straciŭ svaju kartu ci ŭ jaje skončyŭsia termin dziejańnia, aformić novuju jon ciapier nie zmoža.
U Biełarusbanku tłumačać, što sprava nie ŭ prypynieńni i adnaŭleńni emisii BiełKart, a ŭ tym, što ciapier ułady pracujuć nad dakumientam, jaki budzie rehłamientavać pracu takich šmatfunkcyjanalnych kartak dla školnikaŭ i studentaŭ.
— Zaraz Savietam ministraŭ i Nacyjanalnym bankam pry ŭdziele Ministerstva adukacyi raspracoŭvajecca pravavy akt, u jakim buduć vyznačany asnoŭnyja patrabavańni da šmatfunkcyjanalnych elektronnych biletaŭ (dakumientaŭ) sistemy adukacyi z funkcyjanałam kartki, u tym liku status Karty navučenca, što daść mahčymaść banku praciahnuć emisiju hetaha praduktu, — kamientujuć u pres-słužbie Biełarusbanka.
Pytańni dostupu da sacyjalnych i adukacyjnych servisaŭ u banku pakul prapanujuć vyrašać «na terytoryi ŭstanovy adukacyi».
— Infarmavańnie klijentaŭ ab kankretnaj dacie adnaŭleńnia vypusku kart navučenca budzie ažyćcioŭlena praz aficyjnyja infarmacyjnyja resursy banka, — dadajuć u pres-słužbie.
U kantakt-centry Biełarusbanka paviedamili, što mierkavana vypusk kart navučenca adnovicca ŭ sakaviku 2020 hoda.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary