«Samsunh» zabłakavaŭ biełarusam televizary, pryviezienyja z Polščy i Litvy
Biełarusy, jakija nabyvali ŭ Jeŭrasajuzie televizary «Samsunh» z funkcyjaj SmartTB (mahčymaść padklučeńnia da internetu), sutyknulisia z tym, što vytvorca addalena zabłakavaŭ ich pryłady.
Dapoŭniena: Prablemy zakranuli i niekatorych ludziej, jakija nabyvali televizary ŭ biełaruskich internet-kramach.
Paśla čarhovaha abnaŭleńnia jany bačać paviedamleńnie, što ich televizar pracuje ŭ režymie niapoŭnaj funkcyjanalnaści. Uklučyć nivodnaj z prahram — ni «Jutub», ni «Zału», ni anłajn-kinateatry — niemahčyma.
Televizary ŭ Polščy kaštujuć tańniej, čym u Biełarusi, tamu mnohija nabyvajuć ich tam. A «Samsunh» vyrašyŭ zmahacca z takoj praktykaj, zaachvočvajučy klijentaŭ nabyvać techniku ŭ svaich krainach.
U internecie apisvajuć sposaby, jak možna «ažyvić» televizary, chacia b častkova.
Kali jość pult z funkcyjaj kiravańnia hołasam, možna zahadać televizaru adkryć prahramy — i jon pasłuchajecca.
Inšy sposab — padłučyć televizar da cietki ź jeŭrapiejskim IP-adrasam. Dla hetaha treba papiarednie ŭstalavać na kampjutar VPN. Tady televizar dumaje, što znachodzicca ŭ adnoj ź jeŭrapiejskich krain i pačynaje pracavać. Ale ŭ takim razie ŭsio adno nie ŭklučacca biełaruskija prahramy, naprykład, «Zała».
-
Sabaki suprać katoŭ: psichołahi vyśvietlili, chto ź ich bolš uźnimaje nastroj, a chto moža psichałahična naškodzić haspadaru
-
Navukoŭcy zmahli pračytać teksty papirusaŭ, abvuhlenych padčas vyviaržeńnia Viezuvija
-
U Kitai prezientavali pieršy ŭ śviecie samachodny ŭnitaz, jaki moža pieramiaščacca pa domie
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary