Naŭsieda: Prapanavanyja Litvoj alternatyvy pa pastaŭkach nafty i hazu dapamahajuć Biełarusi ŭ pieramovach z Rasijaj
Pasiarednictva Litvy, jakaja prapanoŭvaje alternatyvy pa pastaŭkach hazu, dapamahaje Biełarusi vieści pieramovy z Rasijaj, kaža prezident Litvy Hitanas Naŭsieda, piša Delfi.
«Napeŭna, vy nie zmožacie asprečvać toje, što naša žadańnie dyjałohu, jaki my realna pačali, i naša žadańnie dapamahčy Biełarusi zachavać suvierenitet, daŭšy enierhietyčnyja alternatyvy, dazvalaje spadaru Łukašenku razmaŭlać z Pucinym u jakaści raŭnacennaha partniora. Kali b było inakš, to jon, nie majučy alternatyŭ, nie vielmi moh by čahości patrabavać», — skazaŭ Naŭsieda, majučy na ŭvazie ciažkija pieramovy Biełarusi ab palapšeńni ŭmoŭ pastavak rasijskaj nafty i pryrodnaha hazu.
«U peŭnym sensie my stvarajem umovy, kab pieramovy hetych dźviuch, na pieršy pohlad, nieraŭnacennych dziaržaŭ, mahli vyhladać jak pieramovy padobnych dziaržaŭ, jak pieramovy na roŭnych», — dadaŭ jon.
Jon padkreśliŭ, što kankurentazdolnaść Biełarusi ciapier «harantavana štučna zanižanymi cenami na enierharesursy».
«Samo saboj zrazumieła. Viedajučy heta i vielmi dobra razumiejučy situacyju, Rasija karystajecca hetym jak instrumientam šantažu», — skazaŭ Naŭsieda.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j2
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary