Ci budzie supolnaja delehacyja ŭładaŭ i apazicyi?

Siońnia ŭ Paryžy projdzie pasiedžańnie Palityčnaha kamitetu Parlamenckaj asamblei Rady Eŭropy. Na im budzie razhladacca i biełaruskaje pytańnie. Kamitet abmiarkuje sytuacyju ŭ Biełarusi ŭ śviatle spravazdačy, jakuju rychtuje Andrea Ryhoni, specdakładčyk PARE.

Miarkujecca, što na siońniašnim pasiedžańni eŭradeputaty razhledziać i pytańnie ab časovym viartańni Nacyjanalnamu schodu Biełarusi statusu specyjalna zaprošanaha ŭ Parlamenckuju asambleju. Dziela hetaha ŭ Paryž zaprasili dźvie biełaruskija delehacyi. Aficyjnuju ačolvaje kiraŭnik kamisii ŭ spravach zakanadaŭstva i dziaržaŭnaha budaŭnictva Savieta Respubliki Jaŭhien Śmirnoŭ. U stalicu Francyi taksama palacieli staršynia AHP Anatol Labiedźka i namieśnik staršyni «Ruchu «Za svabodu» Viktar Karniajenka.

Umova viartańnia statusu specyjalna zaprošanaha – zhoda biełaruskich uładaŭ i apazycyi mieć u Parlamenckaj asamblei supolnuju delehacyju.

«My ličym, što status specyjalna zaprošanaha nia moža być samametaj. Heta moža być tolki krokam da paŭnavartasnaha siabroŭstva ŭ Radzie Eŭropy. I kali ŭviazać hałoŭnyja patrabavańni eŭrapiejskich standartaŭ – zruchi ŭ samakiravańni, demakratyčnyja vybary i lehitymny parlament jak kančatkovaja kropka ŭ hetym šlachu, to tady jość sens adnaŭlać status, – naša dumka».

Anatol Labiedźka kaža: užo jość prykład taho, jak delehacyju Nacyjanalnaha schodu pryniali ŭ inšuju Parlamenckuju asambleju – ABSE. I apazycyja nia choča, kab ciapier paŭtaryłasia takaja ž sytuacyja:

«Tady za biełaruskija ŭłady dźviery adčynili sami mižnarodnyja parlamentary. Pad słovy, pad harantyi taho, što znachodžańnie pryznačanych biełaruskimi ŭładami deputataŭ u Asamblei daść im mažlivaść zrazumieć, što takoje demakratyja, i paŭpłyvaje na dziejnaje zakanadaŭstva. I jakaja vysnova? Vosiem hadoŭ znachodziacca pryznačanyja deputaty ŭ PA ABSE, i za hety čas stvarałasia ŭsio represiŭnaje zakanadaŭstva. Heta aznačaje, što taki padychod – nieefektyŭny. Tamu naša stratehija takaja – dźviery pavinny adčynić biełaruskija ŭłady. Heta značyć, jany pavinny zrabić niejkija realnyja kroki, jakija možna było b nazvać pieramienami ŭ krainie».

Palitolah Dzianis Mieljancoŭ nia vieryć, što aficyjny Miensk pahodzicca mieć u PARE ahulnuju z apazycyjaj delehacyju:

«Tamu što ŭłady vielmi adnaznačna vykazvalisia šmat razoŭ pra toje, što jany nie dapuściać adnaŭleńnia stasunkaŭ z Eŭropaj u šyrokim sensie, Eŭrapiejskim Źviazam i eŭrapiejskimi strukturami.

A

dla apazycyi, kali b ułada pahadziłasia, heta było b vielmi dobra, pakolki heta padvyšaje jaje status na mižnarodnaj arenie».

Status specyjalna zaprošanaha dla Biełarusi zamarozili jašče 13 studzienia 1997 hodu. Heta była reakcyja Parlamenckaj asamblei Rady Eŭropy na šmatlikija parušeńni, ź jakimi ŭ dziaržavie prajšoŭ listapadaŭski 1996 hodu referendum.

• 0
• 0
• 0
• 0
• 0
• 0
• 0
• 0