42-hadovy kiroŭca ladovaha kambajna zhulaŭ pałovu matču ŭ varotach i dapamoh «Karalinie» pieramahčy «Taronta». VIDEA
Jašče raz, jon zalivaje lod dla farm-kłuba kanadcaŭ, i «Taronta» — jaho pracadaŭca, jaki płacić hrošy.
Padčas subotniaj hulni čempijanata NCHŁ, što prajšła ŭ Taronta, «Karalina Charykiejns» straciła z-za traŭmaŭ dvuch hałkipieraŭ — Džejmsa Rajmiera i Pietra Mrazieka. Za 8 chvilin 41 siekundu da kanca druhoha pieryjadu na lodzie źjaviŭsia bramnik-amatar Devid Ejrs.
Ejrs — 42-hadovy kiroŭca lodazalivačnaj mašyny, jaki pracuje na matčach «Taronta Marlis» u ACHŁ. Raniej jon nikoli nie hulaŭ u NCHŁ.
U druhim pieryjadzie bramnik prapuściŭ dva z troch kidkoŭ, ale ŭ trecim jon adbiŭ usie siem, i ŭ vyniku «Karalina» damahłasia pieramohi.
Ejrsu apładziravali navat zaŭziatary «Taronta». Ejrs nie hulaŭ navat za amatarskija kamandy z 2015 hoda.
«Heta było fantastyčna. Viadoma, heta momant usiaho majho žyćcia. Ja šmat razoŭ vychodziŭ na hety lod, ale ŭ adsutnaść zaŭziataraŭ. Dadajcie fanataŭ — i hulnia stanovicca, viadoma, zusim inšaj, ale takoje byvaje raz u žyćci», — skazaŭ jon.
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna14
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii2020
Kamientary