Telehram-kanał «Otčiśleno» paviedamiŭ, što ŭ paniadziełak u Biełaruskim nacyjanalnym techničnym univiersitecie stała drenna adnamu z vykładčykaŭ. Mužčyna pamior na pracoŭnym miescy. U VNU tut.by paćvierdzili hetuju infarmacyju.
Trahiedyja adbyłasia ŭ paniadziełak dniom sa starejšym vykładčykam adnoj z kafiedraŭ univiersiteta. Hety dzień, paviedamili ŭ pres-słužbie BNTU, u piedahoha byŭ rabočym, ale par u jaho raskładzie nie było.
— U kalidory jon adčuŭ siabie drenna. Zdaryŭsia infarkt, — kažuć u pres-słužbie VNU. — Vyklikali chutkuju. Miedyki zrabili ŭsio, što mahli, ale dapamahčy jamu nie ŭdałosia.
Vykładčyku było za 55 hadoŭ. Na kafiedry jon pracavaŭ z 1990 hoda i źjaŭlajecca aŭtaram bolš za 20 drukavanych rabot.
Biełaruski nacyjanalny techničny ŭniviersitet vykazvaje spačuvańni rodnym i blizkim vykładčyka.
Kamientary