U suviazi z uspyškaj virusnych infiekcyj u dziciačych paliklinikach Minska abmiežavali pryjom zdarovych dziaciej. Pra heta Minsk-Navinam raskazała v.a. hałoŭnaha doktara 4-j haradskoj dziciačaj kliničnaj palikliniki Śviatłana Fijaś.
Na sajcie 4-j dziciačaj palikliniki źjaviłasia infarmacyja ab tym, što va ŭstanovie prypynieny pryjom zdarovych dziaciej «u suviazi ź siezonnym uzdymam zachvorvańnia na VRI». Tak, abmiežavańni zakranuli vakcynacyi, prafahlady, vydačy štohadovych daviedak ab stanie zdaroŭja.
«Chvorych z tempieraturaj prosiać źviartacca praź filtr-boks», — skazana ŭ paviedamleńni.
S. Fijaś raspaviała, što niahledziačy na heta, ŭsich dziaciej, jakija źviartajucca va ŭstanovu, prymajuć. Kali dzicia było zahadzia zapisana da peŭnaha doktara, śpiecyjalist abaviazkova jaho prymie ŭ ahulnym paradku.
Takija novaŭviadzieńni nie admianiajuć pryjom usich zdarovych dziaciej, a tolki abmiažoŭvajuć, kab pamienšyć kolkaść kantaktaŭ.
Pa słovach S. Fijaś, papiarednie takoje novaŭviadzieńnie budzie dziejničać da 6 krasavika i tyčycca jano ŭsich dziciačych ustanoŭ achovy zdaroŭja Minska.
Ciapier čytajuć
Što Babaryka i Kaleśnikava adkazali na pytańni pra vajnu28
Kamientary