U suviazi z abvastreńniem situacyi z karanavirusam u Biełarusi admianiajuć abo pieranosiać niekatoryja mierapryjemstvy, pažyłym ludziam rekamiendujuć ustrymacca ad naviedvańnia hramadskich miescaŭ. Ci adabjecca epidemija na armii? U Ministerstvie abarony TUT.BY paviedamlajuć, što pakul mierapryjemstva nie pieranosili i nie admianili, u tym liku pa pryzyvie i padrychtoŭcy da vajennaha paradu. «Ryzyki ŭ vajskovym kalektyvie źviedzieny da minimumu», — padkreślili ŭ viedamstvie.
U hetym hodzie adznačajecca 75-hodździe Pieramohi ŭ Vialikaj Ajčynnaj vajnie. Na 9 maja zapłanavany vajenny parad. Niahledziačy na ŭspyšku karanavirusa, admianiać jaho nie płanujuć, prynamsi pakul.
U Minabarony patłumačyli, što ŭ Minsk užo prybyli bolš za 2 tysiačy vajskoŭcaŭ dla piešaj kałony, i jany prystupili da trenirovak.
— Uzbrojenyja siły — maštabny arhanizm. Viadoma, kali buduć pryniaty jakija-niebudź źmieny pa arhanizacyi bajavoj padrychtoŭki, admienie zboraŭ, trenirovak, vučeńnia, pryzyvu, padrychtoŭcy da paradu, my pra heta paviedamim, ale pakul usio idzie ŭ štatnym režymie, — patłumačyła aficyjny pradstaŭnik Minabarony Natalla Haŭrusik. — Voinski kalektyŭ adnosna izalavany: na terytoryju vajskovaj častki nie prychodziać staronnija ludzi, zdaroŭje vajennasłužačych prazrysta dla miedykaŭ, jakija pracujuć u kožnaj častcy. Ryzyki ŭ voinskim kalektyvie źviedzieny da minimumu, i heta pakul dazvalaje nam nie admaŭlacca ad płanaŭ. Ale, viadoma, rašeńnie budzie prymacca zhodna ź situacyjaj. Usie rekamiendacyi Ministerstva achovy zdaroŭja my vykonvajem.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary