Minskaje atelje razdaje dyzajnierskija maski — paśpiašajciesia!
Maski vykanany pa dyzajnie atelje CorAlcor i pradstaŭleny ŭ troch varyjantach: casual, brutalnym i hłamurnym. Pakolki kožnyja 2 hadziny masku treba mianiać, atelje doryć adrazu dźvie adzinki, kab u ludziej była pryhožaja zamiena.
Maski razdajucca pa papiarednim zapisie ŭ Minsku pa adrasie: vulica Kamunistyčnaja, 4 (vychad z boku budynka ANT). Zapis pravodzicca pa telefonie 8 029 630-86-69 abo ŭ sacsietkach (Instahram, Ukantakcie, Fejsbuk).
Pry zajaŭcy treba paznačyć imia i zručny časavy pramiežak z 10.00 da 20.00 u budni (na hetuju infarmacyju buduć aryjentavacca administratary pry składańni raskładu).
Apracoŭka zvarotaŭ moža zajmać niekatory čas, ale administracyja CorAlcor abiacaje adkazać kožnamu. Tych, chto budzie spaźniacca, buduć čakać nie bolš za 15 chvilin. Kali čałaviek nie paśpiavaje, jaho broń aŭtamatyčna addajecca nastupnamu ź lista čakańnia.
Takija žorstkija ramki nieabchodnyja: kab nie stavić zdaroŭje ludziej pad niebiaśpieku, paśla kožnaha naviedvalnika ŭ CorAlcor pravodziać paŭhadzinnaje pravietryvańnie i apracoŭku ŭsich pavierchniaŭ antysieptykam. Tamu papiaredni zapis i punktualnaść abaviazkovyja — inakš supracoŭniki atelje nie paśpiejuć pryniać usich achvotnych.
Maski razdajuć biazvypłatna. Nie treba padpisvacca na rassyłku ci staronku ŭ sacsietkach, niešta repościć i łajkać. Dastatkova prosta zapisacca i pryjści svoječasova, papiaredžvajuć u atelje.
-
«Univiersitet praciahvaje svaju dziejnaść». EHU prakamientavaŭ abviaščeńnie siabie ŭładami Biełarusi «ekstremisckaj arhanizacyjaj»
-
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada
-
U hetym hodzie da Dnia Pieramohi ŭ Hrodnie buduć farsiravać Nioman
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada17
Kamientary