vyzvaleny ad upłaty padatkaŭ i pošlin
Alaksandr Łukašenka 4 krasavika padpisaŭ ukaz № 175 "Ab mierach pa raźvićci vytvorčaści lehkavych aŭtamabilaŭ".Jak paviedamlaje pres-słužba prezidenta, dakumient padpisany "u metach pryciahnieńnia ŭ Respubliku Biełaruś zamiežnych inviestycyj u stvareńnie vytvorčaści lehkavoha aŭtatranspartu".
Zhodna z ukazam,
"iurydyčnyja asoby, jakija zaklučyli ź Ministerstvam pramysłovaści pahadnieńnie ab umovach vytvorčaści lehkavych aŭtamabilaŭ, buduć na praciahu troch hadoŭvyzvaleny ad vyličeńnia i vypłaty padatku na prybytak, akcyzaŭ, zboru ŭ respublikanski fond padtrymki vytvorcaŭ sielskahaspadarčaj pradukcyi, charčavańnia i ahrarnaj navuki ŭ častcy abjomaŭ vyrablenych lehkavych aŭtamabilaŭ i aŭtakampanientaŭ ułasnaj vytvorčaści i ich realizacyi".
Aprača taho, na pieryjad dziejańnia hetaha pahadnieńnia (da 10 hadoŭ pry ŭmovie arhanizacyi jurydyčnaj asobaj zvarki, afarboŭki i zborki kuzava) vytvorcy lehkavych aŭtamabilaŭ nie buduć vypłačvać uvaznyja mytnyja pošliny i padatak na dadadzieny košt pry źmiaščeńni pad mytny režym svabodnaha abaračeńnia technałahičnaha abstalavańnia i aŭtakampanientaŭ, što ŭvoziacca na mytnuju terytoryju Biełarusi dla vytvorčaści lehkavych aŭtamabilaŭ.
Jak zaznačyli ŭ pres-słužbie, "ukaz skiravany na raźvićcio ŭ krainie zboračnych vytvorčaściaŭ lehkavych aŭtamabilaŭ i praduhledžvaje stvareńnie ŭ respublicy kankurentazdolnych umoŭ dla arhanizacyi vytvorčaści lehkavych aŭtamabilaŭ u paraŭnańni ź isnujučymi ŭmovami pracy ŭ svabodnych ekanamičnych zonach Biełarusi, a taksama ŭ Rasijskaj Fiederacyi".
Nahadajem, sa žniŭnia 2006 hoda ŭ Biełarusi viadziecca zborka iranskich aŭtamabilaŭ "Samand". Siońnia heta adzinaja zboračnaja vytvorčaść lehkavych aŭtamabilaŭ u krainie.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary