Šrajbman: Jeŭrazijskaja intehracyja ŭpierłasia ŭ stol, adzinaha rynku hazu moža i nie być
Palityčny ahladalnik i analityk Arciom Šrajbman u svaim telehram-kanale adznačyŭ pierałomny momant u Jeŭrazijskim sajuzie. Rasija raspaŭsiudziła na jaho łohiku, ź jakoj pryjšła da Biełarusi ŭ kancy 2018 hoda — albo kanfiederacyja, albo prefierencyj nie budzie.
Nahadajem, Pucin skazaŭ, što adziny taryf na haz moža być realizavany na adzinym rynku z adzinym biudžetam, adzinaj sistemaj padatkaabkładańnia, a taki hłyboki ŭzrovień intehracyi ŭ JEAES pakul nie dasiahnuty.
Heta značyć, adznačaje Šrajbman, što Rasija razumieje adziny rynak hazu jak stvareńnie adzinych nadnacyjanalnych orhanaŭ, dy jašče hłybiej, čym u ES, dzie niama adzinaha biudžetu i padatkaabkładańnia.
Nivodnaja kraina JEAES na heta nie pojdzie, ličyć analityk, a Rasija, takim čynam, nie pojdzie na adzinyja rynki hazu i nafty.
«Za piać hadoŭ da dedłajnu Maskva prybiraje z uraŭnieńnia tuju morkvu, jakaja zamaniła Minsk u sajuz. Spačatku heta było zroblena na dvuchbakovym uzroŭni, ciapier i na ŭzroŭni piaciorki», — piša Šrajbman.
Dla JEAES heta aznačaje dezyntehracyju, miarkuje ahladalnik. Postsavieckija krainy nie hatovyja dzialicca suvierenitetam, a Rasija nie hatovaja biez hetych ustupak dzialicca prefierencyjami na svaju syravinu.
«2019-2020 hady pavinny ŭvajści ŭ historyju Biełarusi jak hady źniešniepalityčnaha praćvieražeńnia. Usio stanovicca na svaje miescy», — piša Šrajbman.
Kamientary