Zatrymali žychara Hrodna, jaki pakłaŭ milicyjanta na ziamlu padčas pravakacyi suprać Cichanoŭskaha
Zatrymali Jaŭhiena Raźničenku, jaki raskazaŭ «Radyjo Svaboda», pry jakich abstavinach apynuŭsia na ziamli milicyjant padčas incydentu na zbory podpisaŭ za Cichanoŭskuju ŭ Hrodnie. Unačy Raźničenka pierastaŭ vychodzić na suviaź.
Raźničenka ŭviečary 29 maja zapisaŭ hałasavoje paviedamleńnie i raźmiaściŭ jaho ŭ telehram-čacie «Strana dla žiźni». Jon paviedamiŭ, što heta jon układvaŭ milicyjanta na asfalt.
«Chutčej za ŭsio pasprabujuć pryšyć «kryminałku». Kali ja pierastanu vychodzić na suviaź, chłopcy, razumiejcie, što heta pravakacyja z boku specsłužbaŭ», — skazaŭ Jaŭhien Raźničenka.
Jaŭhien pierastaŭ vychodzić na suviaź kala 1 hadziny nočy.
Jaŭhienu Raźničenku 35 hadoŭ, jon budaŭnik. Niadaŭna viarnuŭsia z pracy ŭ Rasii.
«Jon prosta na mianie ŭpaŭ». Mužčyna patłumačyŭ, čamu akuratna pakłaŭ na ziamlu milicyjanta ŭ Hrodnie
Minskamu biznesmienu Saŭryckamu i jahonaj siamji pahražaje pa 12 hadoŭ za «raspalvańnie varožaści»2
Kamientary