Nočču 7 krasavika ŭ Biełarusi vykanana treciaja apieracyja pa transpłantacyi serca.
Jak paviedamiŭ BiełaPAN dyrektar Respublikanskaha navukova‑praktyčnaha centra «Kardyjałohija» Alaksandr Mročak, donarskaje serca było paśpiachova pierasadžana
50‑hadovamu mužčynu z dyjahnazam «dyłatacyjnaja kardyjamijapatyja».
Apieracyju praviała bryhada śpiecyjalistaŭ pad kiraŭnictvam viadučaha chirurha Respublikanskaha navukova‑praktyčnaha centra «Kardyjałohija» prafiesara Juryja Astroŭskaha. Transpłantacyja była vykanana na 20 chvilin chutčej za papiaredniuju takuju apieracyju i zaviaršyłasia ŭ 6 ranicy.
Pavodle słoŭ A.Mročaka, ciapier pacyjent znachodzicca ŭ reanimacyjnym adździaleńni centra. Jon u śviadomaści, jaho stan «narmalny ŭ adpaviednaści ź ciažkaściu pieraniesienaj apieracyi».
Nahadajem, upieršyniu apieracyja pa transpłantacyi serca ŭ Biełarusi była vykanana nočču 12 lutaha. Ciapier u liście čakańnia na pierasadku serca znachodziacca bolš jak 20 čałaviek, adnak, pavodle acenak śpiecyjalistaŭ, kolkaść majučych patrebu ŭ apieracyi značna bolšaja. Aprača transpłantacyi serca, śpiecyjalisty RNPC «Kardyjałohija» vykonvajuć šerah inšych vysokatechnałahičnych umiašańniaŭ: aortakaranarnaje šunciravańnie na pracujučym i spynienym sercy, apieracyi pa lačeńni chraničnych anieŭryzm aorty i inšyja.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary