Kab vyvieźci karciny Šahała i Sucina ź Biełarusi, patrebny śpiecyjalny dazvoł Minkulta. A Ministerstva jaho nie davała

Staršynia Biełteleradyjokampanii Ivan Ejsmant 14 červienia paviedamiŭ u vynikovym vypusku navinaŭ, što paŭtary sotni karcin ahulnym koštam kala 20 młn dalaraŭ z kalekcyi Biełhazprambanka «dałučany da spravy». Na kadrach apieratyŭnaj zdymki možna ŭbačyć raboty mastakoŭ z suśvietnym imiem — Šahała, Sucina, Baksta, Carfina, Lubiča i inšych. Jak stała viadoma TUT.BY, karciny pa-raniejšamu znachodziacca ŭ halerei «Art-Biełaruś» u Pałacy mastactvaŭ, adnak dla hledačoŭ uvachod pakul začynieny.

U siužecie, pryśviečanym spravie Biełhazprambanka, Ejsmant raspavioŭ pra pieratrusy ŭ banku i inšych kamiercyjnych strukturach, u chodzie jakich, pa jaho słovach, «było kanfiskavana kala čatyroch miljonaŭ dalaraŭ, atrymanych, jak ličyć śledstva, niezakonnym šlacham, kaštoŭnyja papiery koštam 500 tysiač dalaraŭ, zołata, ablihacyi, dyhipasy i mnohaje inšaje».

— Źviarnicie ŭvahu na nastupnaje videa, jaho jašče nie było ŭ efiry. Paŭtary sotni karcin ahulnym koštam 20 młn dalaraŭ taksama dałučany da spravy, — zajaviŭ u efiry viadučy. — Jość infarmacyja, što ich rychtavali da terminovaha vyvazu z krainy. Zrešty, sapraŭdny košt dadzienych aktyvaŭ moža być vyšejšy, možna tolki ŭjavić, za kolki jany mahli być pradadzienyja na aŭkcyjonach.

Pieratrus u ofisie Biełhazprambanka prajšoŭ 11 červienia, halereja «Art-Biełaruś», dzie zachoŭvajucca karciny karparatyŭnaj kalekcyi banka, pracavała da 12 červienia. Z 13 červienia na ŭvachodzie visić abviestka, što halereja nie pracuje pa techničnych pryčynach. Supracoŭniki, prosiačy prabačeńnia, admaŭlajucca ad kamientaroŭ, adznačajuć tolki, što na dadzieny momant stan karcin i sposab ich zachoŭvańnia tryvohi nie vyklikaje.

Jak stała viadoma TUT.BY, karciny, jakija «dałučany da spravy», pakul znachodziacca ŭ schoviščy halerei. Za farmuloŭkaj «dałučany da spravy» moža chavacca albo toje, što karciny źjaŭlajucca rečavym dokazam pa spravie, albo jany aryštavanyja dla zabieśpiačeńnia ŭ nastupnym pazovu na pahašeńnie škody.

Pakolki havorka idzie pra karciny, važna vykonvać usie patrabavańni pa ich zachavańni, małyja parušeńni tempieraturnaha režymu mohuć pryvieści da psavańnia. Zhodna z zakonam aryštavanaja majomaść moža być pieradadziena na zachoŭvańnie ŭłaśniku abo inšaj asobie, jaki abaviazvajecca zabiaśpiečyć jaho zachavanaść na čas raźbiralnictva pa spravie.

Što tyčycca terminovaha vyvazu karcin za miažu, jak prahučała ŭ efiry BT, kab vyvieźci pradmiet mastactva, treba zahadzia atrymać dazvoł ad Ministerstva kultury, inakš mytnia prosta nie daść dabro. Pa źviestkach TUT.BY, za apošnija miesiacy Minkult nie vydavaŭ ułaśniku takich dazvołaŭ.

Jak afarmlajecca dazvoł? Zajaŭnik razam z naboram dakumientaŭ, u tym liku apłočanaj dziaržpošlinaj, i pradmietam mastactva prychodzić u Minkult, dzie ekśpierty razhladajuć zajavu (u jakoj prapisvajecca meta vyvazu) i vyrašajuć, ci vydać dazvoł. Sychodzić na heta da dziesiaci dzion.

U kalekcyi Biełhazprambanka bolš za 30 karcin źjaŭlajucca historyka-kulturnaj kaštoŭnaściu. Zhodna z zakonam takija abjekty možna vyvozić za miažu tolki na čas, uładalnik (usio roŭna, pryvatnaja kampanija, pryvatnaja asoba abo dziaržaŭnaja arhanizacyja) pradjaŭlaje ŭ Ministerstva kultury patrebnyja dakumienty — damovu z zamiežnym muziejem, naprykład, śviedčańnie pra strachoŭku, taksama prapisvajecca meta vyvazu, terminy vyvazu i viartańnia.

Jašče adzin važny momant — pieravozka karcin. Možna vykarystoŭvać tolki śpiecyjalny transpart, jaki zabiaśpiečvaje amartyzacyju, kab karciny nie paškodzilisia ŭ šlachu ad vibracyi, a taksama nieabchodny tempieraturny režym, to-bok patrebna mašyna ź pnieŭmapadvieskaj i termazachoŭvańniem.

Karciny pakujucca ŭ śpiecyjalnyja vialikija skryni, uličvajučy pamier rabot. Heta značyć prosta pakłaści karcinu sabie ŭ mašynu i vyvieźci ŭ lubym kirunku niemahčyma, navat kali jana, jak u vypadku z kalekcyjaj Biełhazprambanka, naležyć pryvatnaj kampanii.

Apieratyŭnaja zdymka, pakazanaja na BT, nie zafiksavała hruzavyja fury dla vyvazu karcin ź Biełarusi, a taksama dazvolnyja dakumienty ź Ministerstva kultury. Atrymać apieratyŭny kamientar ab losie «dałučeńnia da spravy» karcin u Kamitecie dziaržkantrolu nie ŭdałosia.

• 0
• 0
• 0
• 0
• 0
• 0
• 0
• 0