21 krasavika adbudziecca premjera «Radyjo Hamon».
21 krasavika adbudziecca premjera novaha prajektu Lavona Volskaha, jaki zaviecca «Radyjo Hamon». Aŭtarskaja pieradača pad takoj nazvaj budzie vychodzić na «Jeŭrapiejskim radyjo dla Biełarusi».
Heta nie pieršy dośvied Lavona Volskaha na radyjo – u 90‑ch spačatku na «Radyjo 101,2», a potym na radyjo «Racyja» vychodziła jaho humarystyčnaja prahrama «Kvadrakoła», u miežach jakoj jon razam z žurnalistkaj Volhaj Babak pradstaŭlaŭ humarystyčnyja zamaloŭki z rečaisnaści.
«Novy prajekt taksama humarystyčny, ale hałoŭnaje ŭ im – interaktyŭ, – raspaviadaje Lavon. – Słuchačy praź internet‑staronku ahučvajuć cikavyja dla ich pytańni i temy, pryčym pra što zaŭhodna, a ja adkazvaju. Akramia taho kožny raz budzie razhlad niejkaj haračaj naviny i premjera admysłovaj pieśni».
Kamientary