Pavodle mistyčnaha supadzieńnia, jon sutyknuŭsia z «Sitrajenam» spadaryni udavy zahinułaha ŭ DTZ namieśnika staršyni harvykankamu Kunaša.
U paniadziełak u Horadni, zdavałasia b, zdaryłasia zvyčajnaja avaryja biez paciarpiełych. Ale mienavita heta DTZ kala Ladovaha pałaca vyklikała peŭnuju cikavaść.
Pavodle mistyčnaha supadzieńnia, słužbovy «Miersedes» kiraŭnika administracyi Leninskaha rajonu Barysa Fiodarava ŭrezaŭsia ŭ «Sitrajen» spadaryni Kunaš (udava zahinułaha ŭ DTZ namieśnika staršyni harvykankama Anatola Kunaša).
Pavodle słovaŭ vidavočcy:
Ja stajaŭ pieršym la pavarotu naleva z vulicy Horkaha na vulicu 17 Vieraśnia. Stajaŭ u svajoj pałasie na čyrvonaje, čakaŭ zialonaj strełki naleva. Zapalvajecca zialony + strełka naleva dla mianie, prajazdžaju mietraŭ 4‑5 i baču, što źleva jedzie niaŭpeŭniena, razdumvajučy, žančyna na «Sitraenie», jakaja potym rezka nacisnuła na piedal hazu. Ja prytarmaziŭ, prytarmaziła mašyna ź siaredniaj pałasy, usie jaje prapuskajuć. Pravaja pałasa była svabodnaja. I voś pa joj na «zialonaj chvali» i jechaŭ «Miersedes». Jamu nie było bačna «Sitraena» z‑za dvuch šerahaŭ mašyn, jakija pačali ruchacca, ale prapuścili žančynu. Kiroŭca «Miersedesa» navat nie paśpieŭ zatarmazić.
Pobač z Łukašenkam na chakiei źjaviłasia novaja pryhažunia10
Kamientary