Hiermanija ličyć nieabchodnym prajaśnić situacyju vakoł Alaksieja Navalnaha i hatovaja dać jamu miedycynskuju dapamohu. Z takoj zajavaj vystupiła ŭ čaćvier kancler FRH Anhieła Mierkiel pa vynikach pieramoŭ z prezidentam Francyi Emaniuelem Makronam, paviedamlajuć infarmahienctvy.
Adnak zapyt na heta pavinien prahučać z Rasii, dadała kancler.
«Pavinna być terminova rastłumačana, jak adbyłasia takaja situacyja. Na hetym my budziem nastojvać», - skazała jana. Pa jaje słovach, «heta pavinna być zroblena transparentna».
Kancler pažadała Navalnamu vyzdaraŭleńnia.
U čaćvier ranicaj samalot, što lacieŭ z Tomska ŭ Maskvu i na borcie jakoha znachodziŭsia Navalny, ekstranna sieŭ u aeraporcie Omska, pakolki jamu stała drenna padčas palotu. Navalnaha pavieźli ŭ balnicu chutkaj miedycynskaj dapamohi Omska. Jon znachodzicca ŭ komie, paviedamlałasia, što jon padłučany da aparata štučnaj vientylacyi lohkich. Asnoŭnaja viersija zdareńnia — atručańnie.
Hiermanija była hatovaja nakiravać samalot za Navalnym užo hetaj nočču, ale pytańnie mahčymaści jaho transparciroŭki budzie vyrašać siońnia kansilium daktaroŭ.
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA11
Kamientary