Германія лічыць неабходным праясніць сітуацыю вакол Аляксея Навальнага і гатовая даць яму медыцынскую дапамогу. З такой заявай выступіла ў чацвер канцлер ФРГ Ангела Меркель па выніках перамоў з прэзідэнтам Францыі Эманюэлем Макронам, паведамляюць інфармагенцтвы.
Аднак запыт на гэта павінен прагучаць з Расіі, дадала канцлер.
«Павінна быць тэрмінова растлумачана, як адбылася такая сітуацыя. На гэтым мы будзем настойваць», - сказала яна. Па яе словах, «гэта павінна быць зроблена транспарэнтна».
Канцлер пажадала Навальнаму выздараўлення.
У чацвер раніцай самалёт, што ляцеў з Томска ў Маскву і на борце якога знаходзіўся Навальны, экстранна сеў у аэрапорце Омска, паколькі яму стала дрэнна падчас палёту. Навальнага павезлі ў бальніцу хуткай медыцынскай дапамогі Омска. Ён знаходзіцца ў коме, паведамлялася, што ён падлучаны да апарата штучнай вентыляцыі лёгкіх. Асноўная версія здарэння — атручанне.
Германія была гатовая накіраваць самалёт за Навальным ужо гэтай ноччу, але пытанне магчымасці яго транспарціроўкі будзе вырашаць сёння кансіліум дактароў.
Стала вядома, чаму пераможца беларускага адбору «Міс Сусвет» не едзе на конкурс. Яна знайшлася ў СІЗА15
Каментары