Cichanoŭskaja — rabočym: Nie viadziciesia na zapałochvańni, našy mety prostyja
Śviatłana Cichanoŭskaja zapisała videazvarot, adrasavany rabočym.
«Darahija maje biełarusy, pracaŭniki «Biełaruśkalija», «MTZ», «Hrodna Azota» i inšych pradpryjemstvaŭ! Vy — simvał novaj, svabodnaj Biełarusi, — kaža jana.
My — mirnaja, pracavitaja nacyja. My — siła, jakaja moža źmianić i ŭžo mianiaje budučyniu našaj krainy. Krainy, jakuju jon choča ŭ nas skraści. Jak jon užo skraŭ naš vybar i źniaviečyŭ našych bratoŭ, siaścior, mužoŭ, dziaciej. Kab spynić heta svavolle, my pavinny abjadnacca.
Vy zapałochali dyktaturu. Jana dryžyć ad strachu pierad vami, vašaj siłaj i mužnaściu. Tamu siońnia vy adčuvajecie vielizarny cisk. Tamu padviarhajeciesia pahrozam, — kaža Cichanoŭskaja.
Zabastoŭki zacisnuli dyktaturu ŭ kut. Paranili jaje ŭ samaje serca, tamu zaraz vas usimi sposabami sprabujuć padzialić i pasvaryć. Bo kali my budziem usie razam - u hetaha režymu nie zastaniecca nivodnaha šancu.
Zabastoŭki — heta absalutna lehalnaja i mahutnaja zbroja suprać režymu. Jany heta viedajuć. I tamu Vas zapałochvajuć.
Pakińcie strach dyktatury. Pamiatajcie — vy nie adny. Z vami — usia Biełaruś. U fondy padtrymki ŭžo achviaravanyja miljony, kab dapamahčy vam vytrymać cisk i nie złamacca pad pahrozami.
Budučynia Biełarusi, a značyć, i budučynia našych dziaciej zaležyć ciapier ad vašaha adzinstva i vašaj rašučaści. Tamu ja prašu vas: praciahvajcie i pašyrajcie zabastoŭki. Nie viadziciesia na zapałochvańni. Jadnajciesia. My prymusim uładu, što začyniłasia ŭ svaich pałacach, pačuć našy hałasy, jakija jana ŭ nas skrała.
Našy mety prostyja — spynić hvałt, vyzvalić palityčnych źniavolenych, pravieści prazrystyja, svabodnyja i sumlennyja vybary.
Razam my siła. Siła, pierad jakoj nie ŭstaić nijakaja dyktatura», — adznačyła Cichanoŭskaja.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič10
Kamientary