U Maładziečnie jeździła kałona aŭto sa schavanymi numarami. Adnoj z mašyn kiravała sienatarka, dyrektarka škoły Kapuckaja
Kalina Kapuckaja
Učora ŭ Maładziečnie prachodziła šeście novaj Biełarusi. Ludzi kałonaj išli ad Ladovaha pałaca da centralnaj płoščy. Padčas šeścia pa darozie jeździli mašyny sa schavanymi numarami i dziaržaŭnymi ściahami, piša Rehijanalnaja hazieta.
U adnoj z takich mašyn za rulom znachodziłasia dyrektar SŠ №14, člen Savieta Respubliki Kalina Kapuckaja. Jana kiravała «Folksvahienam», zamiest numaroŭ byŭ nadpis «Za Biełaruś!».
Žurnalisty «Rehijanalnaj haziety» ŭčora patelefanavali pradstaŭniku Maładziečanskaj DAI pa kamientar z nahody taho, što pa Vialikim Haścincy jedzić nie mienš za 15 mašyn z zaklejenymi numarami. Na miescy numaroŭ — nadpis «Za Biełaruś!».
DAI adkazała, što da ich źviartajucca z takimi paviedamleńniami, jany vyjazdžajuć na vykliki.
Kamientary