Inicyjatary partyi «Razam» patłumačyli, jak buduć uzajemadziejničać z Kaardynacyjnaj radaj i Cichanoŭskaj
Stvareńnie partyi nie zakranie pracu Kaardynacyjnaj rady — adzinaj placoŭki dyjałohu ŭsich palityčnych i hramadskich siłaŭ krainy, havorycca ŭ dadatkovym tłumačeńni inicyjataraŭ.
U paviedamleńni paćviardžajecca, što heta inicyjatyva Viktara Babaryki, Maryi Kaleśnikavaj i štaba źniavolenaha pretendenta ŭ prezidenty. Jahony zvarot byŭ zapisany 14 červienia na vypadak, kali były bankir nie zmoža ŭdzielničać u prezidenckich vybarach.
«My całkam zhodnyja, što Śviatłana Cichanoŭskaja nabrała bolšaść hałasoŭ na vybarach 9 žniŭnia. Z-za šmatlikich parušeńniaŭ i falsifikacyj pieramoha była skradzienaja, tamu my bačym nieabchodnaść praviadzieńnia novych sumlennych vybaraŭ. Siońnia ŭžo nichto nie sumniajecca, što nas bolšaść. Hałoŭnaje ciapier — damahacca patrabavańniaŭ, jakija kansalidavana ahučanyja Kaardynacyjnaj radaj i hruntujucca na pieradvybarnaj prahramie Śviatłany Cichanoŭskaj».
Havorycca taksama, što hetyja patrabavańni byli ŭzhodnienyja i padtrymanyja Maryjaj Kaleśnikavaj i kamandaj Viktara Babaryki. Siabry partyi «Razam» buduć brać aktyŭny ŭdzieł u pracy Kaardynacyjnaj rady i spryjać vyrašeńniu ŭnutrypalityčnaha kryzisu šlacham dyjałohu.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary