Maskva i Minsk prapracoŭvajuć pieranakiravańnie pastavak naftapraduktaŭ z partoŭ Litvy
Rasija i Biełaruś prapracoŭvajuć pytańnie pieranakiravańnia pastavak naftapraduktaŭ z partoŭ Litvy ŭ Rasiju, paviedamiŭ žurnalistam kiraŭnik Minenierha Rasii Alaksandr Novak. Pavodle jaho słoŭ, kampanii Rasii i Biełaruś pavinny prapracavać ekanamičnyja ŭmovy pieranakiravańnia takich pastavak, piša TASS.
«Tak, heta pytańnie taksama siońnia abmiarkoŭvaŭsia ŭ ramkach pieramoŭ. Rasijski bok zacikaŭleny ŭ tym, kab naftapradukty, jakija siońnia realizujucca praz trecija krainy, — u nas jość mahčymaści zabiaśpiečyć realizacyju hetych naftapraduktaŭ praz Sankt-Pieciarburh, praz Uść-Łuhu, heta značyć praz rasijskija party», — skazaŭ Novak.
«Dla hetaha nieabchodna taksama prapracavać, adpaviedna, ekanamičnyja ŭmovy pamiž transpartnymi kampanijami, partovymi, «Biełnaftachimam». Ułasna, my hetym taksama ciapier zojmiemsia ŭ adpaviednaści z daručeńniem staršyni ŭrada», — dadaŭ ministr.
Kamientary