Zvolnieny dyrektar RNPC «Kardyjałohija» Mročak raspavioŭ, kudy ŭ aficyjnaj statystycy schavali śmierci ad kavidu
U zanižeńni statystyki śmiarotnaści ad karanavirusnaj infiekcyi varta vinavacić byłoha kiraŭnika Ministerstva achovy zdaroŭja Uładzimira Karanika. Takoje mierkavańnie ŭ intervju telekanału «Dožd́» vykazaŭ były dyrektar RNPC «Kardyjałohija» Alaksandr Mročak, kamientujučy statystyku AAN, zhodna ź jakoj u Biełarusi ŭ červieni 2020 hoda kolkaść śmierciaŭ na 3753 vypadki pieravysiła minułahodnija pakazčyki pa tym samym miesiacy.
Pa viersii Mročaka, u aficyjnaj statystycy ŭsie hetyja ličby schavali ŭ katehoryju «Chvaroby sistemy krovazvarotu».
— «Chvaroby sistemy krovazvarotu» dasiahajuć u statystycy 58% śmierciaŭ u Biełarusi, abhaniajučy značna inšyja krainy. Ja miarkuju, i takija fakty ŭ mianie jość, nie skažu, što pa ŭsich tysiačach śmierciaŭ, što možna stavić dyjahnaz «išemičnaja chvaroba serca», nie źviartajučy ŭvahi na toje, što pacyjent pamior ad lohačnaj niedastatkovaści, źviazanaj z kavidnaj infiekcyjaj, — dadaŭ prafiesar.
Kamientary