Hetuju infarmacyju jana paćvierdziła TUT.BY.
Pa słovach Rubleŭskaj, heta adbyłosia jašče miesiac tamu. Sapraŭdy, apošnija publikacyi Ludmiły na sajcie vydańnia datavanyja 14 žniŭnia.
Ad kamientaroŭ Ludmiła Ivanaŭna admoviłasia.
U «SB. Biełaruś siońnia» Rubleŭskaja pracavała litaraturnym ahladalnikam z 2003 hoda. Ciapier jaje teksty źjaŭlajucca na sajcie haziety «Źviazda». Tak, siońnia hazieta anansavała premjeru jaje rubryki «Pryvidy biełaruskich muroŭ».
Akramia Rubleŭskaj, z vydańnia za apošnija dva miesiacy syšli i inšyja supracoŭniki. Z pačatku žniŭnia zvolnilisia čatyry supracoŭniki Vydavieckaha doma «Biełaruś siehodnia», jakija pracavali ŭ navinavym adździele sajta sb.by. Heta Alina Jančur, Alaksandr Kastyka, Vadzim Šundałaŭ i Śviatłana Hałuza. Taksama supracoŭnictva z SB spyniŭ piśmieńnik Uładzimir Ściapan, jaki ŭ hetym hodzie atrymaŭ Nacyjanalnuju litaraturnuju premiju jak najlepšy biełaruski prazaik.
13-14 žniŭnia byli apublikavanyja apošnija artykuły žurnalistaŭ Kanstancina Bakuna, Ludmiły Habasavaj i Volhi Pasijak. Taksama z vydańnia syšła Julija Vasilišyna. Infarmacyju pra heta paćvierdziŭ jaje muž Raman Rudź, redaktar adździeła rasśledavańniaŭ «SB. Biełaruś siehodnia».
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary