Dziaržaŭny mytny kamitet praciahnie prymać na miažy prafiłaktyčnyja miery dla vyklučeńnia zavozu infiekcyi z-za składanaj epidemijałahičnaj abstanoŭki i paharšeńnia situacyi z zachvorvańniem na karanavirus u šerahu krain. Pra heta paviedamiŭ žurnalistam kiraŭnik DMK Juryj Siańko, kamientujučy paviedamleńni ŚMI ab uviadzieńni na biełaruskaj miažy «biestavarnaha» ŭjezdu, piša «Interfaks-Zachad».
«Mytnaja słužba vykonvaje ŭsie sanitarnyja normy, jakija patrabujucca va ŭmovach pandemii. Heta tyčycca i taho, kab vyklučyć pierasoŭvańnie tavaraŭ, jakija mohuć niejkim čynam paŭpłyvać na biaśpieku ludziej», — skazaŭ Siańko.
Kiraŭnik DMK dadaŭ, što «ŭ suviazi z hetym dziejničajuć narmatyŭna-pravavyja akty, jakija dajuć mahčymaść fizičnym asobam pieramiaščać praź miažu tolki tavary, pryznačanyja dla asabistaha karystańnia».
«Kali tavary pryznačanyja dla kamiercyjnaha vykarystańnia, to albo treba vypłacić mytnuju pošlinu, albo hramadzianin viartaje ich nazad, zdaje na zachoŭvańnie — u zaležnaści ad jaho rašeńnia», — rastłumačyŭ Siańko.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary