Premjerka Danii: Treba dazvolić nanosić udary ŭhłyb Rasii, bo ŭ Rasii razumiejuć tolki siłu
Padčas vystupleńnia na adnoj z dyskusij u ramkach Miunchienskaj kanfierencyi ab biaśpiecy premjer-ministarka Danii Miete Frederyksen adkryta zaklikała da pieradačy Ukrainie zachodniaha dalnabojnaha ŭzbrajeńnia i dačy dazvołu na jaho nieabmiežavanaje vykarystańnie.
«Naša prablema va Ukrainie zaklučajecca ŭ tym, što dahetul jość čyrvonyja linii ŭ vykarystańni zachodniaha ŭzbrajeńnia. My nie možam pieramahčy ŭ vajnie, kali ruki buduć źviazanyja. Treba dazvolić nanosić udary ŭhłyb terytoryi RF. My heta abmiarkoŭvajem užo niekalki hadoŭ», — skazała Miete Frederyksen.
U toj ža čas jana źviarnuła ŭvahu na pahrozu adzinstva NATA, jakaja pachodzić ad žadańnia prezidenta ZŠA Donalda Trampa ŭziać pad kantrol dackuju Hrenłandyju:
«Usio, što stavić pad sumnieŭ transatłantyčnyja adnosiny abo pahražaje sajuźnikam, padryvaje NATA.
U našaj historyi nam tolki adnojčy pryjšłosia zadziejničać artykuł 5, i heta adbyłosia z-za padziej u ZŠA. U astatni čas my mahli zabiaśpiečvać svabodu, demakratyju, roskvit i bahaćcie, spadziejučysia tolki na farmuloŭku artykuła 5, tamu što ŭsie našy vorahi viedajuć: kali jany napaduć na nas, to napaduć na ŭsich nas.
Mahčyma, samaje važnaje, što my jak palityčnyja lidary zabiaśpiečvajem, — heta naša adzinstva. Tamu stavić pad sumnieŭ transatłantyčnyja adnosiny, pahražać sajuźnikam abo rabić što-niebudź, što padarvała b ideju artykuła piataha, było b pahrozaj dla ŭsich nas. Tamu davajcie trymacca razam», — zajaviła dackaja premjerka.
«My zrabili pamyłki razam, i razam abaviazanyja ich pryznać». Tekst pramovy Marka Rubia na Miunchienskaj kanfierencyi
Cichanoŭskaja: Biełaruskuju apazicyju chacieli b transfarmavać u rasijskuju
«Źmiena režymu nieabchodnaja, ale nie tolki tamu, što my chočam być svabodnymi». Reza Piechlevi zaklikaŭ ZŠA nanieści vajenny ŭdar pa iranskim režymie
«My pajšli na šmat kampramisaŭ». Zialenski vykazaŭsia pra sastupki pad ciskam ZŠA
Makron zaklikaŭ «adnavić prazrysty kanał suviazi» z Rasijaj
Kamientary
Nu tak chaj pieradaje, što ž joj zaminaje? Ukraina suprać nie budzie.