Za minuły tydzień u Žłobinie i Śvietłahorsku (Homielskaja vobłaść) adbylisia karotkačasovyja akcyi, u jakich hramadzianie vykazvali svajo imknieńnie da svabody i demakratyi.
Za minuły tydzień u Žłobinie i Śvietłahorsku (Homielskaja vobłaść) adbylisia karotkačasovyja akcyi, u jakich hramadzianie vykazvali svajo imknieńnie da svabody i demakratyi. U Žłobinie hrupa moładzi praviała raptoŭnik (fłeš-mob) «My «lubim» «Sovietskuju Biełoruśsiju». Maładyja hramadzkija aktyvisty sabralisia ŭ samym šmatludnym miescy horadu – na centralnym rynku, razharnuli hazety «Sovietskaja Biełoruśsija», demanstratyŭna prahledzieli ich, a zatym vykinuli ŭ skryniu dla śmiećcia. «Takim čynam my vykazali pratest suprać chłuśni ŭ dziaržaŭnych srodkach masavaj infarmacyi», - skazaŭ karespandentu belngo.info adzin z udzielnikaŭ akcyi.U Śvietłahorsku 30 červienia na adnym z budynkaŭ byŭ razhornuty vializny transparant, na jakim u nacyjanalnych kolerach – čyrvonymi litarami pa biełym – było napisana «Śvietłahorsk – za svabodu!». Akcyja doŭžyłasia kala 10 chvilinaŭ. Pavodle słovaŭ adnaho ź jaje inicyjataraŭ, aktyvisty demakratyčnaha ruchu źbirajucca čas ad času razhortvać takija transparanty ŭ roznych miescach horadu. Na ŭsich infarmacyjnych tumbach u horadzie ŭžo niekalki tydniaŭ rasklejeny plakaty z takim samym nadpisam.
Telman Maślukoŭ, belngo.info
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary