U Minsku žančyny vyjšli na marš. Paralelna pratestujuć studenty i adbyvajucca pratestavyja hulańni
Kałona žančyn ruchajecca z boku mikrarajona Uschod u centr stalicy pa praśpiekcie Niezaležnaści.
Da žančyn dałučyłasia lehiendarnaja Nina Bahinskaja z nacyjanalnym biełaruskim ściaham.
Na siońnia zapłanavanyja taksama studenckija akcyi pratestu pa ŭsioj krainie.
A ŭ centry Minska majuć adbycca pratestavyja hulańni z kvietkami. U minułuju subotu jany sabrali tysiačy siamiej.
Z usioj krainy prychodziać taksama źviestki pra łakalnyja partyzanskija akcyi.
Na Partyzanskim praśpiekcie ŭ Minsku vyviesili nacyjanalnyja ściahi.
Uzdoŭž čyhunki ŭ Minsku źjavilisia dziasiatki transparantaŭ.
U Homieli źjavilisia stensiły z Kaleśnikavaj i Cichanoŭskaj.
A ŭ Kopiščy (Minski rajon) hihancki ściah kvartała, vyrableny na asnovie nacyjanalnaha, byŭ raściahnuty nad vulicaj.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary