Raspačata druhaja kryminalnaja sprava pa fakcie traŭmavańnia siaścior‑bliźniataŭ u Homielskim abłasnym domie dziciaci.
Prakuratura Čyhunačnaha rajona Homiela 7 maja raspačała kryminalnuju spravu pa fakcie traŭmavańnia vychavanki Homielskaha abłasnoha doma dziciaci.
Sprava raspačata pa punkcie 1 častki 2 artykuła 147 Kryminalnaha kodeksa (naŭmysnaje naniasieńnie ciažkaha cialesnaha paškodžańnia ŭ dačynieńni da zaviedama małaletniaj asoby) na padstavie zaklučeńnia sudova‑miedycynskaj ekśpiertyzy, paviedamili BiełaPAN u rajonnaj prakuratury.
Jak raniej paviedamlaŭ BiełaPAN, u sakaviku było pradjaŭlena abvinavačańnie miedsiastry abłasnoha doma dziciaci pa častcy 2 artykuła 165 KK
(nienaležnaje vykanańnie abaviazkaŭ pa zabieśpiačeńni žyćcia i zdaroŭja dziaciej, što mieła vynikam pa nieaściarožnaści śmierć małaletniaha abo naniasieńnie ciažkich cialesnych paškodžańniaŭ).
16 sakavika pry transparciroŭcy ŭ dziciačuju balnicu z doma dziciaci paŭtarahadovych dziaŭčynak‑bliźniataŭ adna ź ich pamierła ad razryvu piečani. Jaje siastra z anałahičnaj traŭmaj była praapieravanaja i ŭžo vypisana z balnicy. Dziaŭčynki naradzilisia ŭ listapadzie 2007 hoda ŭ Žłobinskim rajonie, ich maci była pazbaŭlenaja baćkoŭskich pravoŭ i letaś dzieci byli źmieščanyja ŭ dom dziciaci.
Miedsiastra, jakaja ciapier znachodzicca pad chatnim aryštam, pryznaje, što niedahledzieła adnu ź dziaŭčynak padčas vykanańnia hihijeničnych pracedur.
Pavodle jaje słoŭ, dzicia ŭpała i ŭdaryłasia ab kraj vanny. Hetaja traŭma akazałasia śmiarotnaj. Druhaja dziaŭčynka ŭ hety čas pačała płakać u spalni, miedsiastra vychapiła dzicia z łožka i ŭdaryła.
Płanujecca, što abiedźvie spravy buduć abjadnanyja i nakiravanyja ŭ sud u kancy nastupnaha tydnia.
Ciapier čytajuć
Pasadzili advakata Dźmitryja Łajeŭskaha, jaki abaraniaŭ Babaryku i Znaka8
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
Kamientary