Распачата другая крымінальная справа па факце траўмавання сясцёр‑блізнятаў у Гомельскім абласным доме дзіцяці.
Пракуратура Чыгуначнага раёна Гомеля 7 мая распачала крымінальную справу па факце траўмавання выхаванкі Гомельскага абласнога дома дзіцяці.
Справа распачата па пункце 1 часткі 2 артыкула 147 Крымінальнага кодэкса (наўмыснае нанясенне цяжкага цялеснага пашкоджання ў дачыненні да заведама малалетняй асобы) на падставе заключэння судова‑медыцынскай экспертызы, паведамілі БелаПАН у раённай пракуратуры.
Як раней паведамляў БелаПАН, у сакавіку было прад’яўлена абвінавачанне медсястры абласнога дома дзіцяці па частцы 2 артыкула 165 КК
(неналежнае выкананне абавязкаў па забеспячэнні жыцця і здароўя дзяцей, што мела вынікам па неасцярожнасці смерць малалетняга або нанясенне цяжкіх цялесных пашкоджанняў).
16 сакавіка пры транспарціроўцы ў дзіцячую бальніцу з дома дзіцяці паўтарагадовых дзяўчынак‑блізнятаў адна з іх памерла ад разрыву печані. Яе сястра з аналагічнай траўмай была праапераваная і ўжо выпісана з бальніцы. Дзяўчынкі нарадзіліся ў лістападзе 2007 года ў Жлобінскім раёне, іх маці была пазбаўленая бацькоўскіх правоў і летась дзеці былі змешчаныя ў дом дзіцяці.
Медсястра, якая цяпер знаходзіцца пад хатнім арыштам, прызнае, што недагледзела адну з дзяўчынак падчас выканання гігіенічных працэдур.
Паводле яе слоў, дзіця ўпала і ўдарылася аб край ванны. Гэтая траўма аказалася смяротнай. Другая дзяўчынка ў гэты час пачала плакаць у спальні, медсястра выхапіла дзіця з ложка і ўдарыла.
Плануецца, што абедзве справы будуць аб’яднаныя і накіраваныя ў суд у канцы наступнага тыдня.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары