Pratestoŭcu, jaki daŭ poŭchu apierataru BT, prysudzili 2 hady kałonii

Jaho abvinavacili va ŭdziele ŭ niesankcyjanavanaj akcyi 25 kastryčnika i pabićci teleaperatara BT, piša «Radyjo Svaboda».

Pavialičyć

Na jaho zaviali spravu pavodle dvuch artykułaŭ Kryminalnaha kodeksu: č. 1 art. 339 (Chulihanstva) i č. 1 art. 342 (Arhanizacyja i padrychtoŭka dziejańniaŭ, jakija hruba parušajuć hramadzki paradak, albo aktyŭny ŭdzieł u ich). Razhladała spravu sudździa Alena Žyvica. U sudzie Viačasłaŭ Łamanosaŭ znachodziŭsia ŭ kletcy pad vartaj.

Sudździa całkam zadavoliła prośbu dziaržaŭnaha abvinavaŭcy, jaki paličyŭ vinu Łamanosava dakazanaj i paprasiŭ pakarać jaho dvuma hadami kalonii ahulnaha režymu (pavodle č. 1 art. 342 aryštam na 3 miesiacy i pavodle č. 1 art. 339 pazbaŭleńniem voli na 2 hady, šlacham pahłynańnia mienš strohaha pakarańnia bolš strohim pryznačyć kančatkovaje pakarańnie ŭ vyhladzie pazbaŭleńnia voli na 2 hady).

Paciarpieły teleaperatar BT Ivan Martynovič na abviaščeńnie prysudu nie źjaviŭsia. Učora padčas pasiedžańnia jon prasiŭ nie prymianiać da Łamanosava pakarańnie, źviazanaje z pazbaŭleńniem voli. Jon skazaŭ, što nia maje da jaho nijakich materyjalnych pretenzij.

Što kazaŭ Łamanosaŭ u apošnim słovie

U apošnim słovie Viačasłaŭ Łamanosaŭ jašče raz paprasiŭ prabačeńnia ŭ teleaperatara BT Ivana Martynoviča «za toje, što pryčyniŭ bol, za svoj niedastojny ŭčynak». Padsudny skazaŭ, što jamu soramna za svoj učynak, tym bolš što paciarpieły teleaperatar Ivan Martynovič jahony kaleha, «čałaviek z televizii». Viačasłaŭ skazaŭ, što pracavaŭ na televizii 24 hady i lubić svaju pracu. Jon zhadaŭ, što padčas prezydenckich vybaraŭ zapisvaŭ vystupy kandydataŭ i vydavaŭ u pramym efiry ich debaty. Hetaksama pracavaŭ na parlamenckich vybarach, na paradzie, a ŭ apošnija hady jamu było davierana rabić žyvyja tranślacyi ź Vielikodnaj i Kaladnaj słužbaŭ, jakija pakazvali ŭ SND.

«Pajšoŭšy z televizii, ja šukaŭ i, kali b nia hety vypadak, u mianie było paru kampanij, kudy ja ŭładkavaŭsia b na pracu», — skazaŭ padsudny.

Viačasłaŭ skazaŭ, što jamu vielmi ciažka, bo amal try miesiacy pravioŭ u turmie, ale značna ciažej toje, što nia zmoh sa svajoj siamjoj sustreć Novy hod i dzień naradžeńnia dački, a taksama Rastvo Chrystova.

«Mnie było baluča 25-ha (padčas zatrymańnia 25 kastryčnika na maršy Viačasłava mocna pabili amapaŭcy, złamali try rabryny i palec. — RS), ale značna bolš baluča, što pierad samym Novym hodam ad kovidu pamierła maja ciešča. Jana mnie stała druhoj maci, i ja nia zmoh raźvitacca ź joj i padtrymać siamju ŭ ciažkuju chvilinu».

Łamanosaŭ skazaŭ, što ščyra raskajvajecca i paprasiŭ sud nie prymianiać pakarańnie, źviazanaje z pazbaŭleńniem voli.

• 0
• 0
• 0
• 0
• 0
• 0
• 0
• 0