Ukraina adnosicca da «ruskaha śvietu», zajaviŭ pres-sakratar prezidenta Rasii Dźmitryj Piaskoŭ, piša RBK.
«Kulturnyja suviazi, histaryčnyja suviazi, ahulnyja karani [Ukrainy i Rasii] admaŭlać było b vialikim hłupstvam», — skazaŭ jon. Pa słovach pres-sakratara prezidenta, «linija na admaŭleńnie hetaj supolnaści» isnuje va Ukrainie. «Ale nam heta nie padabajecca», — skazaŭ Piaskoŭ.
Adkazvajučy na pytańnie ab tym, što Rasija płanuje raspačać dla abarony «rasijskaha śvietu», pres-sakratar prezidenta adznačyŭ, što dla hetaha Maskva maje namier vykarystoŭvać srodki «miakkaj siły». Piaskoŭ dadaŭ, što Rasija nikoli nie karystajecca sposabami, jakija supiarečać mižnarodnamu pravu.
Pres-sakratar prezidenta paviedamiŭ pra staŭleńnie Kramla da «ruskaha śvietu», adkazvajučy na pytańnie ab telefonnaj razmovie namieśnika staršyni Rady Biaśpieki Dźmitryja Miadźviedzieva z kiraŭnikom palitrady ŭkrainskaj partyi «Apazicyjnaja płatforma — za žyćcio» Viktaram Miedviedčukom, jakaja adbyŭsia 6 lutaha. Jany abmiarkoŭvali sankcyi, jakija Kijeŭ uvioŭ suprać troch ukrainskich telekanałaŭ, abvinavaciŭšy ich u prarasijskaj pazicyi i atrymańni hrošaj z Rasii.
Kamientary