U Žłobinie 17-hadovaha padletka adpravili na dva hady ŭ kałoniju za toje, što nibyta kinuŭ kamień u aŭtazak
Sud Žłobinskaha rajona razhledzieŭ kryminalnuju spravu 17-hadovaha Vitala Procharava. Jaho vinavacili ŭ arhanizacyi abo aktyŭnym udziele 10 žniŭnia ŭ Žłobinie ŭ hrupavych dziejańniach, jakija hruba parušajuć hramadski paradak (art. 342 Kryminalnaha kodeksa), a taksama ŭ hvałcie ŭ dačynieńni da supracoŭnika MUS (art. 364 KK RB). Chłopcu prysudzili dva hady pazbaŭleńnia voli ŭ vychavaŭčaj kałonii, paviedamlajuć pravaabaroncy.
Spravu razhladała sudździa Iryna Pradun, prakuror — Andrej Anoška.
10 žniŭnia Vital Procharaŭ byŭ zatrymany amapaŭcami i, pa jahonych słovach, byŭ mocna źbity. Paśla jaho adpuścili dadomu, a nieŭzabavie abvinavacili ŭ parušeńni artykuła 23.34 KaAP RB i aštrafavali.
Sam Procharaŭ padčas dačy pakazańniaŭ u sudzie skazaŭ, što jon nie kidaŭ kamień, ale, kab «papijarycca ŭ svaim instahramie», pachvaliŭsia, što pabiŭ łabavoje škło aŭtazaka. Heta zapisaŭ na mabilny jaho pryjaciel i vykłaŭ u «telehram».
Kamientary