U Minsku prajšoŭ sud nad žurnalistkaj Tut.by Nadziejaj Kalininaj: jaje aštrafavali na 2320 rubloŭ
12 lutaha praciahnuŭsia sud nad žurnalistkaj Tut.by Nadziejaj Kalininaj. Jaje zatrymali 29 studzienia, kali jana sprabavała trapić na źjezd delehataŭ Usiebiełaruskaha narodnaha schodu pa Minsku, i abvinavačvali na dvuch artykułach — 23.34 i 23.4 KaAP. Amal troje sutak Nadzieja praviała ŭ IČU na Akreścina — u pierapoŭnienaj kamiery bieź ciopłych rečaŭ i srodkaŭ hihijeny. 1 lutaha pačaŭsia sud nad joj, u jakim abviaścili pierapynak. Siońnia praces praciahnuŭsia.
Spravu razhladała sudździa Taćciana Šocik u sudzie Leninskaha rajona Minska.
Na sudzie vyśvietliłasia, što administracyja Doma kultury nie moža dać zapisy ź videakamier «u suviazi sa zbojami sistemy videanazirańnia».
Akramia hetaha, Nadzieja padavała piśmovyja chadajnictvy: vyśvietlić asobu i vyklikać u sud kantraloraŭ-achoŭnikaŭ, jakija admovilisia prapuskać jaje na schod. Ale sud paličyŭ, što «padstaŭ dla vykliku supracoŭnikaŭ Doma kultury niama». Jak i dla ekśpiertyzy videazapisu z Doma kultury na pradmiet bieśpierapynnaści i prykmiet mantažu.
Pasiadžeńnie doŭžyłasia 16 chvilin. Paśla pierapynku sudździa Taćciana Šocik vyniesła rašeńnie: pryznać vinavataj i pryznačyć štraf — 80 bazavych vieličyń: 1450 rubloŭ pa 23.34 i 870 rubloŭ pa artykule 23.4 KaAP.
Nadzieju Kalininu zatrymali 29 studzienia, kali jana sprabavała trapić na źjezd delehataŭ Usiebiełaruskaha narodnaha schodu pa Minsku, jaki prachodziŭ u Minskim haradskim Pałacy kultury pa adrasie: vuł. Majakoŭskaha, 129. 1 lutaha pa administracyjnaj spravie ŭ dačynieńni da žurnalistki prajšoŭ sud.
U IČU Nadzieja prabyła amal troje sutak — biez srodkaŭ hihijeny i ciopłaha adzieńnia ŭ kamiery, u jakoj na piać miescaŭ było 12 čałaviek.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary