Kiroŭca, jaki sihnaliŭ 11 lutaha na praśpiekcie Niezaležnaści, atrymaŭ 15 sutak
Za aŭtamabilny sihnał 11 lutaha na praśpiekcie Niezaležnaści mužčynu aryštavali na 15 sutak, paviedamlajuć pravaabaroncy.
Sud Centralnaha rajona aryštavaŭ siońnia na 15 sutak aŭtamabilista Paŭła Padalaku, jaki ŭčora sihnaliŭ na praśpiekcie Niezaležnaści. Kala 9-j ranicy jaho spyniŭ rehuliroŭščyk kala cyrka i skazaŭ, što jamu pieradali pa racyi, što jon «padaŭ hukavy sihnał». Z supracoŭnikam DAI Pavieł na svajoj mašynie prajechaŭ u Centralnaje RUUS. I tam va ŭnutranym dvoryku za zakrytaj bramaj jon nibyta admoviŭsia prajści ŭ RUUS, pačaŭ upiracca nahami i chapacca za formiennaje abmundziravańnie supracoŭnika. Na jaho skłali pratakoł pa art. 23.4 KaAP za niepadparadkavańnie. Ale ŭ RUUS jamu prapanoŭvali padpisać pratakoł, što jon stajaŭ na Niezaležnaści i vykrykvaŭ łozunhi.
U sudzie dapytali śviedku-supracoŭnika, na što Pavieł Padalaka skazaŭ: «Dzie ŭ čałavieka sumleńnie? Usio, što kaža śviedka, hłupstva, a durnych pytańniaŭ u mianie niama».
Sudździa Dźmitryj Karsiuk pryznaŭ Paŭła vinavatym pa art. 23.4 KaAP i aryštavaŭ jaho na 15 sutak.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary