Dniom 15 krasavika rasijskija vojski nanieśli ŭdar pa Adesie, u vyniku jakoha paciarpieŭ šmatpaviarchovy žyły dom, paviedamiŭ kiraŭnik Adeskaj haradskoj vajskovaj administracyi Siarhieja Łysak.
Paviedamlajecca, što bieśpiłotnik trapiŭ u dzieviacipaviarchovy budynak. U kvaterach na siarednich pavierchach uźnik pažar, na miesca adrazu prybyli ratavalniki i inšyja ekstrannyja słužby.
Pavodle apošnich źviestak, adzin čałaviek zahinuŭ, jašče šeść atrymali ranieńni. Infarmacyja pra maštaby razbureńniaŭ i stan paciarpiełych udakładniajecca.
Akramia hetaha, u Adeskaj vobłaści byli zafiksavanyja inšyja paškodžańni: u adnym z rajonaŭ paciarpieŭ pryvatny dom. U noč na toj ža dzień atakam padvierhłasia i partovaja infrastruktura rehijona, dzie ŭźnikli pažary i byli paškodžanyja składskija i administracyjnyja budynki.
Taksama paviedamlajecca pra ataki ŭ inšych haradach Ukrainy. U roznych rehijonach zafiksavanyja ŭdary bieśpiłotnikaŭ i rakiet, paškodžańni žyłych damoŭ, pradpryjemstvaŭ i infrastruktury, jość paranienyja i zahinułyja.
Ahułam nočču pa terytoryi Ukrainy było zapuščana niekalki sotniaŭ udarnych bieśpiłotnikaŭ i rakiety, častku ź ich udałosia źbić, ale ŭ šerahu miescaŭ adbylisia traplańni i razbureńni.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje8
Kamientary