Chłopiec raskleiŭ pa Minsku čatyry tysiačy abjaŭ pra toje, što šukaje dziaŭčynu. Što z hetaha atrymałasia?
Na pačatku krasavika pa ŭsim Minsku ludzi pačali zaŭvažać šmat adnolkavych abjaŭ. Pryčym nie samych zvykłych dla našaha času.
Na ich — fota 19‑hadovaha Lošy i tekst pra toje, što jon šukaje dziaŭčynu. Jak jon vyrašyŭsia na takuju zadumu i što z hetaha atrymałasia, piša Onliner.by.
Ulotak dla znajomstvaŭ Loša nadrukavaŭ kala 4000. Rasklejvać ich chłopcu dapamahała kamanda z 13 čałaviek. Zajmalisia hetym prykładna tydzień.
— Naviny pra heta trapili ŭ roznyja pabliki, ludzi pačali pisać mnie ŭ asabistyja paviedamleńni i ŭ sacsietkach.
Usiaho za dva tydni adhuknułasia prykładna 400 čałaviek, — uśmichajecca Loša.
Ale na spatkańni jon schadziŭ tolki z tryma dziaŭčynami. Čamu tak? Tut Loša pryznajecca, što pošuk kachańnia byŭ nie adzinaj metaj jaho śmiełaha ŭčynku.
— Mnie chaciełasia stvaryć niejki ruch, pahladzieć, što z hetaha atrymajecca. Sprabavać znajści dziaŭčynu z dapamohaj papiarovych abjaŭ — vielmi aryhinalny, ale zusim nie vyhadny sposab znajomstva. Praściej užo na vulicy padychodzić da tych, chto spadabaŭsia — tołku, napeŭna, było b bolš.
Akazvajecca, u Lošy jość ułasny błoh na YouTube, na jaki padpisanyja 97 tysiač čałaviek. Chłopiec pravodzić roznyja čelendžy — naprykład, prychodzić na spatkańnie ŭ supravadžeńni mamy abo nadziavaje na nohi ŭciažarvalniki i žyvie ź imi 50 dzion — i zdymaje pra heta videa. Roliki nabirajuć sotni tysiač prahladaŭ.
Tak što pošuk dziaŭčyny praz abjavy — taksama svojeasablivy ekśpierymient Lošy jak błohiera. Darečy, hod tamu jon užo pravodziŭ padobny, tolki mienš maštabny, i taksama zdymaŭ pra heta kantent. Adnak chłopiec padkreślivaje: ramantyčny składnik u hetaj spravie ŭsio ž jość.
— Sens hetych abjaŭ byŭ šyrejšy, čym prosta pošuk dziaŭčyny. My ź siabrami za hety čas zhurtavalisia i zrabili svoj uniosak u historyju Minska. Ludzi hladzieli na hetyja listoŭki, uśmichalisia, pierasyłali adzin adnamu… atrymlivali pazityŭnyja emocyi. Heta ž kruta!
I tak, toj samaj, jakaja ŭ vyniku zapała ŭ serca Lošy, stała adna ź jaho pamočnic u rasklejvańni abjaŭ. Padrabiaźniej pra heta jon abiacaŭ raskazać na svaim YouTube-kanale.
Ciapier čytajuć
U Minsku kidajuć budavać treciuju liniju mietro ŭ Zialony Łuh. Usie siły pojduć na čaćviortuju, kalcavuju8
U Minsku kidajuć budavać treciuju liniju mietro ŭ Zialony Łuh. Usie siły pojduć na čaćviortuju, kalcavuju
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz6767
Kamientary