Čaćviora — na «chimiju», dvum — štrafy. Ahučyli prysud pa spravie ab pierakryćci vulicy ŭ Maładziečnie
Siońnia, 31 sakavika, ahučyli prysud pa spravie ab pierakryćci Vialikaha Haścinca ŭ Maładziečnie, piša Rehijanalnaja hazieta.
Nahadajem, 21 listapada 2020 hoda čaćviora maładziečancaŭ — Karabiejnik, Saładoŭnikaŭ, Siarhiej Sidarovič, Karyćka — vyjšli na zialonaje śviatło piešachodnaha śviatłafora na skryžavańni Haściniec-Chmialnickaha z banieram «Pakul u krainie biezzakońnie — supraciŭleńnie naš doŭh». Jany prastajali na zialonaje śviatło, 26 siekund na čyrvonaje (dazvalalny zialony dla kiroŭcaŭ) i na nastupny zialony syšli.
Piaciarych maładziečancaŭ (Sidarovičaŭ, Karabiejnika, Saładoŭnikava, Karyćka) sudzili pa častcy 1 artykuła 342 Kryminalnaha kodeksa «Aktyŭnyja dziejańni, što parušajuć hramadski paradak». Zadorskuju — pa častcy 6 artykuła 16 č. 1 art. 342 «Dapamoha ŭ ździajśnieńni aktyŭnych dziejańniaŭ, što hruba parušajuć hramadski paradak».
Dziaržaŭny abvinavaŭca zapatrabavaŭ dla ŭsich padsudnych damašniuju «chimiju». Dla Karabiejnika, Saładoŭnikava, Sidarovičaŭ zaprasiŭ pa 1 hodzie i 6 miesiacaŭ, dla Karyćka i Zadorskaj — 1 hod.
Dźmitryju Karabiejniku, Ryhoru Saładoŭnikavu, Siarhieju Sidaroviču i Elinie Karyćka prysudzili pa 1 hodu i 6 miesiacaŭ abmiežavańnia voli z nakiravańniem u papraŭčuju ŭstanovu («chimija»).
Hańnie Zadorskaj i Iharu Sidaroviču — štrafy.
Ryhora Saładoŭnikava i Dźmitryja Karabiejnika, jakija znachodzilisia pad vartaj ź listapada, vypuścili ŭ zale suda paśla ahučvańnia prysudu.
Padčas ahučvańnia prysudu Siarhiej Sidarovič dastaŭ banku z tabletkami i pačaŭ ich pić. Blizkija sprabavali nie dać jamu hetaha zrabić — vyklikać u jaho vanity, paśla chłopca zabrała «chutkaja».
Pa słovach vidavočcaŭ, u hety čas sudździa Viktoryja Palaščuk praciahnuła začytvać prysud pa spravie.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary