«Najechali na vielmi vysokim uzroŭni»: maskoŭskaja drukarnia sarvała vychad śviežaha numara «Narodnaj Voli»
Čakałasia, što z 2 krasavika adnovicca vydańnie niezaležnaj haziety «Narodnaja Vola» u palihrafičnym varyjancie.
Redakcyja zaklučyła damovu z maskoŭskim adkrytym akcyjaniernym tavarystvam «Polihrafičieskij kompleks», u adpaviednaści ź jakoj była apieratyŭna pieraličana nieabchodnaja suma hrošaj na drukavańnie siońniašniaha numara haziety.
Ale ŭčora, kali viorstka padychodziła da zaviaršeńnia, z Maskvy pastupiła infarmacyja: na nas najechali na vielmi vysokim uzroŭni, nie chočam zhubić drukarniu, viartajem hrošy… — paviedamlaje redakcyja NV.
Niekalki miesiacaŭ tamu z «Narodnaj Volaj» skasavała damovu drukarnia AT «Prajm Prynt Maskva». I voś učora taja ž samaja pieśnia.
Jašče ŭ žniŭni minułaha hoda vydaviectva «Biełaruski Dom Druku» spyniła tyražavańnie haziety «Narodnaja Vola» byccam z-za taho, što złamaŭsia stanok.
U čarhovy raz redakcyja źviartajecca da svaich prychilnikaŭ z prośbaj padpisvacca na PDF-viersiju haziety «Narodnaja Vola» na sajcie belpressa.by.
PDF-viersiju śviežaha numara haziety, vychad jakoha sarvali ŭ Maskvie, možna pračytać na sajcie «Narodnaj Voli».
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary