Što ŭ zhublenych pasyłkach, jakija pradajuć pa 10 rubloŭ? Žurnalisty praviali ekśpierymient
Zhublenyja kitajskija pasyłki adna ź minskich kram pradaje pa 10 rubloŭ. Što ŭnutry, nie daviedaješsia, pakul nie adkryješ. Hetyja pasyłki krama vykuplaje na składzie, dzie zachoŭvajucca niezapatrabavanyja adpraŭleńni, jakija niemahčyma viarnuć adrasatu.
My niadaŭna pisali pra ahlad błohierki na takija rečy. U adnoj z pasyłak joj trapiŭsia vibratar.
Žurnalisty «Anłajniera» taksama rašyli pravieryć, ci vyhadna kuplać takija pasyłki. Jany vybrali piać vypadkovych pakietaŭ.
U pieršym akazałasia łabavoje škło (nasamreč zajmieńnik škła) dla matacykła. Ciapier anałahičnaja madel na kitajskim sajcie kaštuje kala 50 rubloŭ. Plus jašče 20 rubloŭ dastaŭka. Vyhada atrymlivajecca ŭ 7 razoŭ. Praŭda, kali hetaja reč była patrebnaja.
U druhoj zabytaj pasyłcy — zhornuty list vielmi tonkaha čornaha płastyka. Materyjał nie samaklejny. Heta moža być achoŭnaje pakryćcio dla stała, doška ci fotafon.
Treciaja pasyłka — miakkija silikonavyja stopiery dla dźviarej, kab ručka nie ŭrezałasia ŭ ścianu. Na kitajskim sajcie takija kaštujuć 13 rubloŭ, dastaŭka ŭklučana ŭ košt.
Čaćviorty łot — pult, jaki možna padklučyć da smartfona, kab rabić zdymki na adlehłaści. Cana — ad 3 da 17 rubloŭ.
Apošniaj piataj pasyłkaj znoŭ akazalisia stopiery dla dźviarej.
Historyja z vykupam niedastaŭlenych pasyłak daŭno praktykujecca ŭ ZŠA i Jeŭropie. Pry hetym zakazčyki nie pakutujuć: zvyčajna za niedastaŭleny tavar im viartajuć hrošy. Adkul naohuł biarucca takija pasyłki? Heta mohuć być stračanyja pry transparciroŭcy abo na składzie tavary. A taksama tyja paštovyja adpraŭleńni, jakija nie byli zapatrabavanyja miesiacami.
Kamientary