Na Filipinach vice-prezidentka adkryta pryhraziła prezidentu i jaho siamji śmierciu
Vice-prezidentka Filipin Sara Duterte, dačka sumna viadomaha byłoha prezidenta krainy i zabojcy tysiač čałaviek Radryha Duterte, publična zajaviła, što naniała kilera, kab toj zabiŭ ciapierašniaha prezidenta Fierdynanda Markasa-małodšaha i ŭsich jahonych svajakoŭ u vypadku jaje śmierci.
Słovy Duterte pryvodzić vydańnie South China Morning Post.
«Ja skazała kileru: «Kali mianie zabjuć, zabi prezidenta Fierdynanda Markasa-małodšaha, jaho žonku Maryju Łuizu i śpikiera pałaty pradstaŭnikoŭ Marcina Ramualdesa. Uvohule nie spyniajsia, pakul nie źniščyš ich usich». Heta nie žart. Ja ŭžo damoviłasia», — publična zajaviła Duterte.
Na dumku vice-prezidentki, suprać jaje rychtujecca zmova z metaj zabojstva. Jaje słovy pra naniataha kilera źjavilisia paśla aryštu kiraŭnicy jejnaha aparata Zulejki Łopies, jakuju abvinavačvajuć u pieraškodzie rasśledavańniu pra nieefiektyŭnaje vykarystańnie biudžetnych srodkaŭ. Pavodle Duterte, sproba pieravieści Łopies ź SIZA ŭ papraŭčuju kałoniju źjaŭlajecca «zamacham na zabojstva z boku ŭładaŭ».
Vykanaŭčy sakratar Filipin Łukas Biersamin adznačyŭ, što ŭžo pieradaŭ infarmacyju pra pahrozu na adras Markasa-małodšaha elitnamu padraździaleńniu prezidenckaj achovy «dla nieadkładnaha pryniaćcia adpaviednych mier».
«Lubaja pahroza žyćciu prezidenta zaŭsiody pavinna ŭsprymacca surjozna, asabliva kali hetaja pahroza była publična ahučana dziejnym vice-prezidentam», — havorycca ŭ zajavie sakrataryjata.
Choć na vybarach 2022 hoda Markas-małodšy i Duterte vystupali adnoj kamandaj, adnosiny pamiž imi chutka pahoršylisia, adznačaje South China Morning Post. Prezident za dva hady zvolniŭ šerah sajuźnikaŭ Duterte, asabliva kiraŭnikoŭ siłavych viedamstvaŭ, a taksama aktyŭna vystupaje za ŭmacavańnie suviaziaŭ z Kitajem, što nie padabajecca vice-prezidentcy i jaje prychilnikam.
Sara Duterte — dačka byłoha prezidenta Filipin Radryha Duterte, jaki kiravaŭ krainaj z 2016 pa 2022 hady i źjaŭlaŭsia inicyjataram šyrokamaštabnaj kampanii suprać narkahandlu i ŭžyvańnia narkotykaŭ, jakaja pryviała da masavaha źniščeńnia ludziej (časta biez sudu i śledstva), jakija padazravalisia ŭ narkazłačynstvach ci ŭ suviaziach z narkamafijaj.
Były prezident Filipin pryznavaŭ, što ŭ niekatorych vypadkach sam asabista zabivaŭ narkahandlaroŭ i navat pahražaŭ svajmu synu śmierciu, kali toj budzie datyčny da narkotykaŭ.
Pavodle aficyjnych danych urada Filipin, padčas antynarkatyčnaj kampanii Duterte byli zabityja jak minimum 5 tysiač čałaviek pa ŭsioj krainie.
Akramia taho, Radryha Duterte padčas prezidenctva zahadaŭ vajskoŭcam prystrelić jaho, kali jon prabudzie na svajoj pasadzie daŭžej za naležny termin (6 hadoŭ). «Heta vaša praca — abaraniać Kanstytucyju i hramadzian. Pamiatajecie, heta vaš śviaty abaviazak», — zajaviŭ toj pradstaŭnikam filipinskaj armii.
A ŭ mai 2022 hoda, niahledziačy na svaju reputacyju masavaha zabojcy, Duterte publična asudziŭ Pucina za zabojstvy ludziej va Ukrainie.
Kudy niebiaśpiečna jechać biełarusam, jakich na radzimie pieraśledujuć za palityku KARTY
Žančynu-mera na Filipinach abvinavačvajuć u špijanažy na Kitaj. Vyśvietliłasia, što jana nie taja, za kaho siabie vydavała
Pamior były prezident Filipinaŭ Fidel Ramas — siłavik, jaki, vybirajučy pamiž narodam i dyktataram, abraŭ narod
Ciapier čytajuć
Kaho ź biznesmienaŭ Łukašenka paklikaŭ da siabie na naradu? Była i zasnavalnica Wildberries5
Kamientary
Baćka Markosa juniora kravał bolej 20 hod i synok na" nastalhii" paviarnułsia Ničoha ni nahadvaje ))
Mnie baćka Sary padabajeca nacyanalna aerentavany rašučy .
Znajdzicie jak jen adkazvał Štatam Abamie AAN Eŭraźviazu ..
I jak jen adkazał Pucinu u travnie 22 kali ińšyja " telefanavali" …Putin i ja oba ubijcy. Ja davno hovorił vam, filippincam, čto ja diejstvitielno ubivaju. No ja ubivaju priestupnikov, ja nie ubivaju dietiej i starikov. My [s Putinym] prinadležim k dvum raznym miram.»
Markos ..kaznokrad kiravał bolej 20 hod atrymał prytułak u Štatach tam i pamier " ich sukin syn" ..