Kali vypuskali, skazali, što adpała nieabchodnaść trymać jaje za kratami, paviedamlajuć jaje siabry, piša Jeŭraradyjo.
Taćciana Hacura-Javorskaja — adna z arhanizatarak vystavy-trybjutu miedykam «Mašyna dychaje, a ja — nie». 6 krasavika ŭ jaje doma praviali pieratrus, a jaje samu zatrymali.
Jana mama čatyroch dziaciej i aŭtarytetny hramadski dziejač.
Biełaruskija pravaabaroncy pryznali Hacuru-Javorskuju palitźniavolenaj.
Jaje padazrajuć pa č. 3 art. 293 KK — «Finansavańnie biesparadkaŭ».
Taćciana — arhanizatarka šmatlikich kulturnych inicyjatyŭ, siarod jakich fiestyvali dakumientalnaha kino, hramadskaje abjadnańnie «Źviano» i niadaŭniaja vystava-trybjut miedykam, jakija zmahajucca z kavidam, «Mašyna dychaje, a ja — nie».
Ekspazicyja «Mašyna dychaje, a ja — nie» zapracavała ŭ prastory «Miesca» na Revalucyjnaj tolki 30 sakavika, a ŭžo 1 krasavika sanstancyja i MNS znajšli u placoŭki parušeńni, tamu vystavu pryjšłosia pieranieści ŭ anłajn. U noč z 5 na 6 krasavika kamanda sa škadavańniem zajaviła, što «vymušanaja spynić realizacyju prahramy prajekta «Mašyna dychaje, a ja — nie».
Vystava była pryśviečanaja biełaruskim miedykam i vyklikam, ź jakimi jany sutyknulisia za apošni hod: pandemijaj COVID-19 i palityzacyjaj sistemy achovy zdaroŭja. Aŭtary rabot, pradstaŭlenych na vystavie, — viadomyja fatohrafy i mastaki. Kuratary prajekta —płatforma SHKLO+, arhanizatary — hramadskaje abjadnańnie «Źviano».
Čytajcie taksama: Pravaabaronca Taćciana Hacura-Javorskaja aficyjna zatrymanaja pa kryminalnaj spravie
Muža palitźniavolenaj pravaabaroncy Taćciany Hacura-Javorskaj departujuć ź Biełarusi na 10 hadoŭ
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary