Praz tydzień da zatrymanaha 19 krasavika eks-śledčaha Jaŭhiena Juškieviča puścili advakata. Pra heta Tut.by paviedamiła jaho abaronca Maryja Kolesava-Hudzilina.
Maryju Kolesavu-Hudzilinu puścili da jaje padabaronnaha siońnia. Sustreča doŭžyłasia kala hadziny.
— Jaŭhien «žyvy i bolš-mienš zdarovy. Usim pryvitańnie», — napisała ŭ siabie ŭ tvitary Maryja.
— Što značać hetyja słovy? — pierapytaŭ u jaje Tut.by.
— U jaho prablemy z sercam. Jak možna być całkam zdarovym u SIZA KDB, — patłumačyła advakatka i paviedamiła, što nijakich fizičnych paškodžańniaŭ u eks-cledčaha niama.
Advakata da Jaŭhiena Juškieviča nie puskali z 20 krasavika. Čamu, kaža abaronca, jana viedała z samaha pačatku, ale, tak jak znachodzicca pad padpiskaj ab nierazhałošvańni, kamientavać heta nie moža.
— Jaŭhien u kursie, što na minułym tydni źjaviłasia adkrytaja zajava, u jakoj padpisanty prosiać, kab vas da jaho puścili? Svaje podpisy pad dakumientam pastavili amal čatyry tysiačy čałaviek.
— Tak, jon viedaje i byŭ vielmi rady.
Jaŭhien Juškievič, nahadajem, pierastaŭ vychodzić na suviaź 19 krasavika. Paźniej Maryja Kolesava-Hudzilina napisała, što jon u SIZA KDB. Pa jaje słovach, svajakam pakazali pastanovu na pieratrus, dzie ŭkazany artykuł 289 KK (Akt teraryzmu).
Pa miescy žycharstva Juškieviča za hetyja dni dvojčy prajšli pieratrusy.
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary