Fienomien pa‑biełarusku: košt mietra adnapakajovak znižajecca, dvuchpakajovak — raście
Apošni ŭ hetym hodzie aŭkcyjon pa prodažy hatovych kvater u Minsku prajšoŭ paśpiachova.
Apošni ŭ hetym hodzie aŭkcyjon pa prodažy hatovych kvater u Minsku prajšoŭ paśpiachova.
Vystaŭlenyja na tarhi 8 adnapakajovych, 12 dvuchpakajovych i 3 trochpakajovyja kvatery pradadzienyja. Pačatkovy košt kvadratnaha mietra — 911 dalaraŭ.
— Na hety raz karystalisia popytam trochpakajovyja kvatery (na minułym aŭkcyjonie nie pradali ni adnoj trochpakajoŭki), — paviedamiŭ načalnik adździeła inviestycyj AAT «MAPID» Mikałaj Dzieravianka. —
Jany abyšlisia pakupnikam u 71,5 — 76,5 tysiačy dalaraŭ. Siaredni košt mietra — 1005,5 dalara.
Košt mietra adnapakajovaj kvatery ŭ paraŭnanni z anałahičnym na minułym aŭkcyjonie zniziŭsia na 15 dalaraŭ (z 1100 da 1085). Adnapakajovyja kvatery ahulnaj płoščaj 43 m 2 kaštavali 46‑47 tysiač dalaraŭ. Košt mietra dvuchpakajovaj kvatery, naadvarot, vyras na 50 dalaraŭ i skłaŭ 1055.
Dvuchpakajovyja kvatery nabyvali za 59,5—61,5 tysiačy dalaraŭ.
Pavodle słoŭ Mikałaja Dzieravianki, praviadzieńnie takich mierapryjemstvaŭ patrabuje niamała hrošaj. Tamu nastupny aŭkcyjon projdzie niedzie praz hod.
— Tarhi prajšli dobra. Cudoŭna, što ŭsie kvatery znajšli svajho haspadara. Tolki voś, miarkuju, efiekt byŭ by značna lepšy, kali b my praviali aŭkcyjon choć by na 2 miesiacy raniej. Pryčyna ŭ tym, što zaraz pačaŭsia adpuskny siezon, tamu pretendentaŭ na adnu kvateru było niašmat (u apošnim aŭkcyjonie pryniali ŭdzieł kala 40 čałaviek).
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary