Za adzin dzień u Bresckaj vobłaści znojdzieny cieły šaści patanułych.
U Bresckaj vobłaści za adzin dzień — 29 červienia — byli vyjaŭleny cieły šaści patanułych.
Jak paviedamili BiełaPAN u adździele infarmacyi i hramadskich suviaziaŭ UUS Bresckaha abłvykankama, cieła 14‑hadovaha školnika z Murmanska było znojdziena ŭ race Pulva niedaloka ad vioski Stavy Kamianieckaha rajona, 37‑hadovaha žychara Mikaševičaŭ (Łuniniecki rajon) — u vadajomie, što ŭ rysie horada. Abodva jany patanuli padčas kupańnia 27 červienia.
Vasiemnaccacihadovaja dziaŭčyna patanuła ŭ Kobrynie ŭ race Stary Muchaviec, 22‑hadovy žychar Baranavičaŭ — u voziery Hać Baranavickaha rajona.
Akramia taho, u Prypiaci pobač ź vioskaj Zaprośsie Łuninieckaha rajona znajšli dvuch žycharoŭ Salihorska, jakim było 42 i 41 hod. Jany patanuli 28 červienia padčas rybałki, kali ich humavaja łodka pierakuliłasia.
Pravierku pa ŭsich hetych faktach pravodziać prakuratury rajonaŭ.
Usiaho ŭ Bresckaj vobłaści z pačatku 2009 hoda achviarami vady stali 67 čałaviek, ź ich 11 — niepaŭnaletnija.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary