Mikałajeŭ prypyniŭ zakupku 50 biełaruskich tralejbusaŭ.
Pra heta raspavioŭ vice-mer ukrainskaha horada Vital Łukaŭ. Pavodle jaho słoŭ, takaja situacyja ŭźnikła z pryčyny «peŭnaha palityčnaha kryzisu» pamiž Ukrainaj i Biełaruśsiu.
— Što tyčycca tralejbusnaha parku. My radavalisia, što vychodzim na finišnuju pramuju, byli ŭzhadnieńni peŭnyja, ale ciapier ustała situacyja ź Biełaruśsiu, uradam Biełarusi byli stvoranyja pry strymanaści našych dziaržaŭnych struktur umovy, pry jakich biełaruskija tavary — aŭtobusy i tralejbusy — mieli pieravahi navat nad tymi, jakija stvaralisia abo źbiralisia va Ukrainie. Była palityka ŭrada Biełarusi ab padtrymcy svajho vytvorcy, i ŭ cenach, pry takoj samaj jakaści, pry takich ža ŭmovach pieramahali. Zaraz, vy viedajecie, peŭny palityčny kryzis pamiž našymi dziaržavami, i niama ničoha horš za toje, kali ŭ ekanomiku ŭmiešvajecca palityka. Ale ja vielmi vyrazna razumieju adkaznaść, i chaciełasia b, kab my adno adnamu dapamahali ŭ družalubnych krainach u palityčnym płanie abo krainam, ź jakimi ŭ nas choć by zrazumiełyja adnosiny. Tak što majem ciapier nievialikuju paŭzu, tamu što navat našy jeŭrapiejskija partniory ciapier prypynili padpisańnie dahavoraŭ pa vytvorčaści tralejbusaŭ dla Mikałajeva, bo tendarnyja ŭmovy, jakija abaviazkova vypisvajucca pry ŭzhadnieńni z partniorami-bankami jeŭrapiejskimi abo suśvietnymi, vypisanyja tak, što my bačym ryzyku ŭvachodžańnia ŭ palityčna-ekanamičnyja tupikovyja rečy, ź jakich składana vyjści, — raspavioŭ Vital Łukaŭ.
Raniej z-za palityčnaj situacyi ŭ Biełarusi Lvoŭ admoviŭsia zakuplać 100 aŭtobusaŭ MAZ, niahledziačy na toje, što Minski aŭtazavod vyjhraŭ tendar.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary